काठमाडौं । इजरायली लडाकु विमानले गाजा पट्टीमा फेरि बमबारी गरेको छ । इजरायली सेनाले इस्लामिक जिहाद संगठनका नेताहरूलाई निशाना बनाउन अपरेशन शिल्ड र एरो सुरु गरेको थियो।

सेनाका अनुसार उनीहरूले तीन इस्लामिक जिहाद कमाण्डरलाई मारेका छन्। समाचार एजेन्सी रोयटर्सका अनुसार यस हमलामा तीनै नेता मारिएका छन् ।

प्यालेस्टिनी अधिकारीहरूले पनि तीन वरिष्ठ कमाण्डरको मृत्यु भएको पुष्टि गरेका छन्।

इजरायली सेनाले उनीहरुलाई वेस्ट बैंकमा रहेका खलिल बहटिनी, जाहेद अहनम र तारेक एजेद्दीनको रूपमा पहिचान गरेको छ।

एएफपी संवाददाताका अनुसार स्थानीय समय अनुसार दिउँसो २ बजेपछि हवाई आक्रमण सुरु भएको थियो।