काठमाडौं । राजधानीमा जारी सहिद स्मारक ए डिभिजन लिगमा थ्री स्टार क्लबले एनआरटीसँग बराबरी खेल्दै अंक बाड्न बाध्य भएको छ ।

मंगलबार त्रिपुरेश्वस्थीत दशरथ रंगशालामा थ्री स्टारले एनआरटीसँग गोल रहित बराबरी खेल्दै अंक बाँडेको हो । बराबरीसंगै एनआरटीको १८ अंक भएको छ भने थ्री स्टारको २५ अंक रहेको छ ।

त्यस्तै मंगलबार नै संकटा क्लबले सातदोबाटो युथ क्लबमाथी सहज जित दर्ता गरेको छ । च्यासल मैदानमा भएको खेलमा संकटाले सातदोबाटोलाई २–० गोल अन्तरको हराएको हो । संकटाको जितमा दुबै गोल युसेफ एट्रिसले गरे ।

खेलको १४औं मिनेटमा गोल गर्दै युसेफले संकटालाई सुरुआती अग्रता दिलाएका थिए । यस्तै खेलको २६औं मिनेटमा युसेफले ब्यक्तिगत दोस्रो गोल गर्दै संकटालाई जित दिलाए । जितसँगै संकटाले १६ खेलमा २० अंक जोडेको छ भने सातदोबाटोको २३ अंक रहेको छ ।