काठमाडौं । चीनको एक लोकप्रिय सामाजिक सञ्जाल प्रभावकर्ताले भारतीय संगीतको धुनमा गाउने गहुँगोरो अनुहार देखाएको एक भिडियो हटाइएका छन् ।

यो भिडियो चीनको सार्वजनिक सुरक्षा मन्त्रालयको आधिकारिक खाताबाट साझा गरिएको हो। तर आलोचना भएपछि यो पोस्ट हटाइएको छ ।

भिडियोमार्फत जातीय विभेद फैलाएको आरोप लागेपछि मन्त्रालयले उक्त भिडियो हटाएको बुझिएको छ । यो भिडियोको चीन बाहिर आलोचना भइरहेको छ ।

यो भिडियो हाओ गी गी नामक एक प्रभावकर्ताद्वारा बनाईएको हो। भिडियो डुइनमा बनाइएको थियो, जुन टिकटकको घरेलु संस्करण हो भन्ने विश्वास गरिन्छ। भिडियो पोस्ट गरेपछि १२ लाख पटक हेरिएको छ ।

भिडियोमा गहुँगोरो अनुहार भएको पगडी लगाएको देखाइएको छ। त्यहाँ धेरै महिलाहरू पनि थिए, जो दक्षिण वा मध्य एसियाली देशका महिलाहरू जस्तै लुगा लगाएका थिए।

भिडियोमा दुई समुहमा बाँडिएका यी व्यक्तिले भारतीय गीत टुनक, टुनक टुन.. गाउँदै छन् । गीतका शब्द चिनियाँ भाषामा छन्, जसमा कसको कार राम्रो भन्ने बहस चलिरहेको छ ।

चीनको सार्वजनिक सुरक्षा मन्त्रालय अन्तर्गत पर्ने ब्यूरो अफ पब्लिक अर्डरले गत हप्ता यो भिडियो साझा गरेको थियो। ब्यूरो अफ पब्लिक अर्डरको वेइबोमा ३२ मिलियन फलोअर्स छन्।

वेइबो ट्विटर जस्तै चिनियाँ सामाजिक मिडिया प्लेटफर्म हो। यो भिडियोको चीन भित्र तारिफ भइरहेको छ । तर देश बाहिर धेरैले यसको आलोचना पनि गरे।

भारतमा, समाचार वेबसाइट द प्रिन्टका स्तम्भकार आदिल बरारले लेखे, “यी मानिसहरूले भारत, बलिउड र भारतीयहरूको मजाक गरिरहेका छन्।” केही चिनियाँ टिप्पणीकारहरूले यो उल्टो हुन सक्छ भने।