काठमाडौं । धेरै मानिसहरु सामाजिक सञ्जाल, ब्लग, भिडियो र युट्युबमा भ्यू पाउन जेसुकै गर्न तयार हुन्छन्। केही समयअघि युट्युबर ट्रेभर ज्याकबले भिडियोमा भ्युजका लागि सबै सीमा पार गरेका थिए । वास्तवमा, ज्याकबले भिडियोमा भ्युजको लागि आफ्नै विमान दुर्घटना गराएका थिए।

ज्याकबले यसबाट फाइदा पनि उठाए। उनको भिडियो झण्डै ३ लाख पटक हेरिएको छ । तर यो कार्यका कारण अनुसन्धान एजेन्सीहरुबाट समातिएपछि ज्याकबले दुर्घटना नियोजित भएको र आफूले यो सबै जानाजानी पैसाका लागि गरेको स्वीकारेका थिए ।

यस मामलामा ज्याकबलाई २० वर्षको जेल सजाय हुन सक्छ। साथै, अमेरिकी संघीय उड्डयन प्रशासन (एफएए) ले २९ वर्षीय ज्याकोबको निजी पाइलट प्रमाणपत्र रद्द गरेको छ। अधिकारीहरूले भने कि ज्याकबले डिसेम्बर २०२१ मा क्यालिफोर्नियाको लस प्याड्रेस राष्ट्रिय वनमा दुर्घटनाग्रस्त सानो एकल इन्जिन विमानको भग्नावशेषलाई जानाजानी नष्ट गरेका थिए।

ज्याकबको भिडियो क्लिपमा क्याप्शन दिइएको छ, ‘मैले मेरो विमान दुर्घटनाग्रस्त गराएँ । ज्याकबलाई प्यारासुट लिएर विमानबाट बाहिर निस्किरहेको देख्न सकिन्छ। यस क्रममा उनको हातमा सेल्फी स्टिक पनि थियो । भिडियोमा, विमान भरी जडान गरिएका क्यामेराहरूले प्लेन नियन्त्रण गुमाएपछि जङ्गलमा खसेको देखाउँछ र अन्ततः दुर्घटनाग्रस्त हुन्छ।

यो हेर्दा अनौठो लाग्छ कि यदि विमान आफै दुर्घटना भएको छ भने ज्याकबले आफ्नो ज्यान बचाउनुको सट्टा यति सजिलै भिडियो कसरी बनाइरहेका छन्? सुरुमा विमानमा रुचि राख्नेहरूले उक्त दुर्घटना वास्तविक वा नक्कली हो भन्ने शंका गरेका थिए। न्यु योर्क टाइम्सले पछि रिपोर्ट गर्यो कि एफएएले पनि सहमति जनायो कि यो अनौठो थियो कि ज्याकब पहिले नै प्यारासुटसंग तयार थिए।

यस आपतकालीन अवस्थामा पनि ज्याकबले ट्राफिक कन्ट्रोलसँग कुनै सम्पर्क नगरेको उड्डयन अधिकारीहरूले पनि याद गरे। न त उनले इन्जिन रिस्टार्ट गर्ने प्रयास गरे न त अवतरणका लागि उपयुक्त ठाउँ नै खोजे । जबकि उनी धेरै ठाउँमा सुरक्षित अवतरण गर्न सक्थे। युट्युबरले अवतरण गर्ने बित्तिकै भग्नावशेष किन नष्ट गरे भन्ने चिन्ताको विषय भएको एफएएले जनाएको छ ।