काठमाडौं । १७ वर्षीया किशोरीले दुई नाबालिग केटालाई बलात्कार गरेकी छन् । पीडितमध्ये एकजना १० वर्ष र अर्का १४ वर्षका छन् । अभियुक्तलाई हिरासतमा लिइएको छ ।

उनको पहिचान १७ वर्षीय अमिराकल मोर्गनका रूपमा गरिएको छ । प्रहरीले उनकी आमाविरुद्ध पनि मुद्दा दर्ता गरेको छ । उनले बालबालिकाको एउटा समूह बनाएर घटनाबारे प्रहरीलाई जानकारी दिनेलाई कुटपिट गर्ने जिम्मा दिएकी थिइन् । घटना अमेरिकाको मिसिसिपीको हो ।

डेली मेलको रिपोर्टका अनुसार अमिराकलले आमाको मुख हेर्ने दिनमा केही बालबालिकाको समूहमा अश्लिल गतिविधि गरेको प्रहरीले जनाएको छ । यो घटना आफ्नो अगाडि भएको देखेका बालबालिकाले प्रहरीलाई यसबारे बताए ।

अब अमिराकलले वयस्कको रूपमा आरोपको सामना गर्नुपर्नेछ। पछि उनकी आमाले वडाका बालबालिकाको समूह बनाएर घटनाबारे प्रहरीलाई जानकारी दिने बालबालिकालाई आक्रमण गर्न आग्रह गरेको आरोप लागेको छ ।

प्रहरी अधिकारीले भने, ‘आरोपी किशोरीकी आमाले केही बालबालिकालाई जम्मा गरी घटना भएको देख्नेलाई कुटपिट गर्न भनेकी थिइन् । यो सहन सकिने छैन। कसैले डराउनु पर्दैन कि कसैले तिनीहरूलाई आक्रमण गर्नेछ, तिनीहरूको झ्यालहरू तोड्नेछ र तिनीहरूसँग लड्न चाहन्छ।’

यस कारणले बालिकाकी आमाले नाबालिगहरू विरुद्ध अपराधमा सहयोग र प्रोत्साहन गरेको र बलात्कारको रिपोर्ट गर्ने नाबालिगहरूलाई धम्की दिएको आरोप लगाइएको छ। मुद्दाको पहिलो सुनुवाइ जुन ८ मा हुनेछ।