काठमाडौं । टर्कीको राष्ट्रपतीय निर्वाचनमा रेसेप तैयप अर्दोआनले फेरि एकपटक जित हासिल गरेका छन् । उनले विपक्षी दलका नेता कमाल कल्चदारलुलाई पराजित गर्दै ११ औं पटक राष्ट्रपतिमा निर्वाचित भएका हुन् ।

अर्दोआनले दोस्रो चरणको निर्वाचनमा बहुमत हासिल गरेका छन् । र, कमाल कल्चदारलुले हार बेहोरेका छन् । योसँगै अर्दोआन फेरि एकपटक फर्किएका छन् । मिडिया रिपोर्टका अनुसार अर्दोआनले यस राउन्डमा ५२% भोट पाएका छन् भने कल्चदारलुले मात्र ४८% मत पाएका छन् ।

वास्तवमा, राष्ट्रपति चुनावको लागि पहिलो चरणको मतदान मे १४ मा भएको थियो। त्यतिबेला एकेपीका प्रमुख अर्दोआनले ४९.४% मत प्राप्त गरे। उता उनका प्रतिद्वन्द्वी कालाचदारलुले ४५ प्रतिशत मत ल्याएका थिए । दुवै नेताले बहुमत ल्याउन नसकेपछि आइतबार दोस्रो चरणको निर्वाचन भएको हो ।

टर्कीमा, यदि कुनै उम्मेद्वारले स्पष्ट बहुमत प्राप्त गर्न सकेन भने, दुई हप्ता भित्र दुई धेरै मत प्राप्त गर्ने उम्मेदवारहरू बीच रन अफ राउन्ड हुन्छ। टर्कीमा यो दोस्रो चरणको मतदान मे २८ मा तय गरिएको थियो।

अर्दोआनले सन् २००३ देखि देशको नेतृत्व गर्दै आएका छन् र उनको नेतृत्वमा उनले टर्कीलाई इस्लामको नीतिमा चल्ने रूढीवादी देश बनाउने प्रयास गरेका छन् । चुनावका क्रममा उनले पश्चिमा मुलुकले सरकार ढाल्ने षड्यन्त्र गरेको आरोप पनि लगाएका छन् ।

कल्चदारलु टर्कीका ६ विपक्षी दल मिलेर बनेको रिपब्लिकन पिपुल्स पार्टी नेशन एलायन्सका उम्मेदवार हुन् । टर्कीमा ‘कमाल गान्धी’ भनेर पनि चिनिने गान्धीवादी कल्चदारलुले जनतालाई वाचा गरेका थिए कि यदि उनी सत्तामा आए भने टर्कीले अर्दोआनजस्तो रूढीवादी नीति अपनाउने छैनन् ।

उनले प्रजातन्त्र फिर्ता गर्नुका साथै आफ्ना नेटो सहयोगीहरूसँगको सम्बन्धलाई पनि पुनर्जीवित गर्ने बताए । ७४ वर्षीय काल्चदारलु यसअघि पनि धेरै निर्वाचनमा हारेका थिए ।

उल्लेखनीय कुरा के छ भने, अर्दोआनले पछिल्लो राष्ट्रपति चुनाव जितेको एक महिनापछि जुलाई २०१८ मा टर्कीमा संसदीय प्रणालीको सट्टा राष्ट्रपतीय प्रणाली लागू भएको थियो।

२०१७ मा, जनमत संग्रह मार्फत राष्ट्रपतिको शक्तिहरू तीव्र रूपमा बढाइएको थियो। यसमार्फत अर्दोआनले प्रधानमन्त्री पद खारेज गर्दै प्रधानमन्त्रीको कार्यकारी अधिकार आफ्नो हातमा लिएका थिए । त्यसपछि टर्कीमा राष्ट्रपति सरकारको प्रमुख बने।