काठमाडौं । पश्चिम बंगालकी मुख्यमन्त्री ममता बनर्जीका भतिजा र टीएमसी सांसद अभिषेक बनर्जीकी पत्नी रुजिरा बनर्जीलाई सोमबार बिहान कोलकाता एयरपोर्टमा अध्यागमन अधिकारीहरूले दुबई जानबाट रोकेका थिए।

उनी आफ्ना दुई छोराछोरीसहित दुबईको उडान लिन बिहान ७ बजे विमानस्थल पुगेकी थिइन् तर उनलाई उडान समात्न रोकिएको थियो ।

अध्यागमन विभागका स्रोतहरूले दावी गरे कि रुजिरालाई ईडी मुद्दामा लुकआउट नोटिस जारी गरिएको कारण विदेश भ्रमणमा प्रतिबन्ध लगाइएको थियो।

तर, अर्कोतर्फ, अभिषेक बनर्जीका नजिकका स्रोतहरूले ईडीको यस मामलामा सर्वोच्च अदालतले अभिषेक र उनकी पत्नीलाई सुरक्षा दिएको र उनीहरूको विदेश यात्रामा कुनै प्रतिबन्ध नरहेको दाबी गरेको छ। अब अभिषेकले यस मामिलामा अदालत जान सक्नेछन् ।

यसअघि ईडीले कोइला तस्करी मामिलामा अभिषेक र उनकी पत्नीसँग सोधपुछ गरिसकेको छ। अभिषेकलाई दिल्लीको कार्यालयमा र रुजिरालाई कोलकातामा सोधपुछ गरिएको थियो ।

कोलकाता विमानस्थलबाटै केही समय वकिलसँग कुरा गरेर रुजिरा घर फर्किइन् ।