काठमाडौं । अमेरिकी ह्वाइट हाउसका राष्ट्रिय सुरक्षा प्रवक्ता जोन किर्बीले एक विज्ञप्तिमा भारत एक जीवन्त लोकतन्त्र भएको बताएका छन्। उनले भने कि जो कोही पनि दिल्ली गएर आफैं हेर्न सक्छन्।

किर्बीले आफ्नो कार्यकालमा प्रधानमन्त्री मोदी र भारतीय लोकतन्त्रमाथि उठेका प्रश्नको जवाफ दिइरहेका थिए ।

उनले भने, “अमेरिकी प्रशासनले ती चासोहरू व्यक्त गर्न कहिल्यै पनि पछि हटेको छैन, हामी हाम्रा चिन्ताहरू हाम्रा साथीहरूसँग आवाज उठाउन लज्जित भएका छैनौं। हामी लोकतान्त्रिक संस्थाहरूको बलको बारेमा छलफल जारी राख्न तत्पर छौं र प्रधानमन्त्री मोदीको आगामी अमेरिका भ्रमणका क्रममा हाम्रो कुराकानी पनि यसको एक हिस्सा हुनेछन्। ।

किर्बीको बयान यस्तो समयमा आएको हो जब प्रधानमन्त्री मोदीको यही महिना अमेरिका भ्रमण तय भएको छ।

यस भ्रमणका क्रममा अमेरिकी राष्ट्रपति जो बाइडेनले २२ जुनमा हुने भनिएको प्रधानमन्त्री मोदीको लागि औपचारिक रात्रिभोज पनि आयोजना गर्ने छन्।

सोमबार रात्रिभोजमा प्रधानमन्त्री मोदीलाई निमन्त्रणा गर्नुको कारणबारे सोध्दा किर्बीले दुई देशबीचको सम्बन्धलाई मजबुत बनाउनको लागि यो भ्रमण निकै महत्त्वपूर्ण रहेको बताए।