काठमाडौं । स्टकहोम इन्टरनेशनल पिस रिसर्च इन्स्टिच्युट (सिप्री) को रिपोर्ट अनुसार चीनको आणविक भण्डारमा ठूलो वृद्धि भएको छ र यो अझै बढ्ने अपेक्षा गरिएको छ।

सिप्रीले सोमबार इयरबुक २०२३ सार्वजनिक गरेको छ । रिपोर्टका अनुसार भारत र पाकिस्तानले पनि आफ्ना आणविक हतियार विस्तार गरिरहेका छन् । दुवै देशले सन् २०२२ मा नयाँ प्रकारको आणविक वितरण प्रणाली सुरु गरे र यसलाई विकास गर्न जारी राखेका छन्।

प्रतिवेदनका अनुसार भारतले लामो दुरीका हतियारमा जोड दिइरहेको छ, जुन चीनसम्मको निशाना प्रहार गर्न सक्षम छन्।

सिप्रीको अनुमान अनुसार भारतको आणविक भण्डार २०२२ मा १६० बाट २०२३ मा १६४ र पाकिस्तानको १६५ बाट १७० मा वृद्धि हुनेछ।

प्रतिवेदनमा पछिल्लो एक वर्षमा चीनको आणविक भण्डारमा वृद्धि भएको उल्लेख गरिएको छ । चीनले जसरी इन्टरकन्टिनेन्टल ब्यालिस्टिक मिसाइल बनाइरहेको छ, त्यसअनुसार दशकको अन्त्यसम्ममा यो अमेरिका वा रुसको स्तरमा पुग्न सक्छ ।

सिप्रीका अनुसार सन् २०२२ मा चीनको आणविक भण्डारमा ३५० वटा हतियार थिए जुन २०२३ मा बढेर ४१० पुगेको छ । अझै बढ्ने अनुमान गरिएको छ ।