काठमाडौं । साउदी अरबका विदेशमन्त्री राजकुमार फैसल बिन फरहानले शनिबार इरानको भ्रमण गर्ने भएका छन् । इरानको आधिकारिक समाचार एजेन्सी तस्निमले बिहीबार यो जानकारी दिएको हो ।

तस्निम समाचार एजेन्सीले रिपोर्ट गरेको छ कि राजकुमार फैसल “इरानी अधिकारीहरूसँग भेट्न र वार्ता गर्न जुन १७ मा तेहरान आउनेछन्।”

साउदी अरेबिया वा इरानबाट यो भ्रमणको बारेमा कुनै आधिकारिक घोषणा गरिएको छैन, तर इरानी सरकारका प्रवक्ता अली बहादुरी-जाहरोमीले बिहीबार राजकुमार फैसलले इरानको भ्रमण गर्ने बताएका थिए। यद्यपि उनले मिति भने भनेनन् ।

उनले भने राजकुमार फैसलको भ्रमणको क्रममा इरानमा साउदी अरबको दूतावास पुनः खोल्ने सम्बन्धमा “केही कदम चालिनेछ”। जुन ७ मा इरानले साउदी अरबमा आफ्नो दूतावास पुनः खोल्यो।

यसै वर्षको मार्चमा चीनको मध्यस्थतापछि इरान र साउदी अरेबियाबीच पुनः कूटनीतिक सम्बन्ध स्थापना भएको थियो ।

२०१६ मा, साउदी अरबमा एक शिया धर्मगुरुलाई फाँसी दिएपछि, इरानी प्रदर्शनकारीहरू साउदी अरबको दूतावासमा प्रवेश गरे। त्यसपछि दुवै देशको कूटनीतिक सम्बन्ध तोडिएको थियो ।