काठमाडौं । पश्चिमी युगान्डाको एक विद्यालयमा भएको आक्रमणमा अधिकांश विद्यार्थीसहित ४० जनाको मृत्यु भएको छ । आक्रमण इस्लामिक स्टेट समूहसँग आबद्ध विद्रोहीहरूले गराएका थिए।

एम्पोन्ड्वेको हुबिरिहा माध्यमिक विद्यालयमा भएको आक्रमणमा घाइते भएका आठ जनाको अवस्था गम्भीर छ । मृत्यु हुनेमा विद्यालयको छात्रावासमा बस्ने विद्यार्थी पनि छन् । धेरै अपहरण पनि भएका छन्, जसमध्ये अधिकांश केटीहरू छन्।

यस विद्यालयमा करिब ६० विद्यार्थी अध्ययन गर्छन्, जसमध्ये अधिकांश विद्यालयमै बस्छन्। युगाण्डाको सेनाले आक्रमण पाँच संदिग्ध एडीएफ विद्रोहीले गरेको बताएको छ। विद्यालय भवनमा आगो लगाइयो र खाद्यान्न पसलहरू लुटियो।

कतिपय शव यति नराम्ररी जलेका छन् कि डिएनए परीक्षणपछि मात्रै पहिचान गर्न सकिन्छ । जलेको विद्यालय भवनको तस्बिर सामाजिक सञ्जालमा शेयर गरिएको छ ।

रिपोर्टहरूका अनुसार युगान्डाका सैनिकहरूले प्रजातान्त्रिक गणतन्त्र कंगोको विरुंगा राष्ट्रिय निकुञ्जतर्फ विद्रोहीहरूलाई पछ्याइरहेका छन्। यो अफ्रिकाको सबैभन्दा पुरानो र सबैभन्दा ठूलो राष्ट्रिय निकुञ्ज हो जहाँ धेरै दुर्लभ प्रजातिहरू बस्छन्।

एडीएफ लगायत अन्य विद्रोही समूहहरूले लुक्न यो क्षेत्र प्रयोग गर्छन्। सेनाका अनुसार विद्रोहीलाई लखेट्नका लागि हेलिकप्टर पनि तैनाथ गरिएको छ ।