काठमाडौं । शाहरुख खानको नयाँ फिल्म जवान सेप्टेम्बर ७ मा सिनेमा हलमा रिलिज हुँदैछ । तर शाहरुखका फ्यानहरु भने फिल्मको ट्रेलरको आतुरताका साथ प्रतिक्षा गरिरहेका छन् । हालै शाहरुखले पनि ट्वीटरमा यसको जवाफ दिएका छन् ।

एक फ्यानले शाहरुखलाई सोधेका थिए कि जवान फिल्मको ट्रेलर कहिले आउँछ ? त्यसपछि शाहरुखले पनि जवाफ दिँदै सबै कुरा तयार भएको र ट्रेलर छिट्टै लन्च हुने संकेत दिए ।

अब यो खबर आइरहेको छ र सामाजिक सञ्जालमा टम क्रुजको फिल्म मिशन इम्पोसिबलसँगै जवानको ट्रेलर सिनेमाघरमा लन्च हुने दाबी गरिएको छ । टम क्रुजको फिल्म १२ जुलाईमा रिलिज हुँदैछ ।

यो फिल्मको मध्यान्तरमा जवानको ट्रेलर देखाइने मिडिया रिपोर्टमा दाबी गरिएको छ । शाहरुखका फ्यान क्लबको तर्फबाट ट्वीट गरेर पनि यसबारे जानकारी दिइएको छ ।

हालै फिल्म जवानले रिलिज अगावै कमाई गरिरहेको खबर आएको थियो । फिल्मको म्युजिक राइट्स ३६ करोड भारुमा बिक्री भएको थियो ।

शाहरुखको यो फिल्मलाई फ्यानले पनि चासोका साथ हेरिरहेका छन् किनभने जनवरीमा रिलिज भएको शाहरुखको फिल्म ‘पठान’ ले एक हजार करोडभन्दा बढी कमाएको थियो ।

पठानको कमाई हिन्दी फिल्म उद्योगका लागि महत्त्वपूर्ण थियो किनभने केही समयका लागि थिएटरहरूमा फिल्महरूको प्रदर्शन निकै कमजोर थियो।

जवान फिल्मको बारेमा भनिएको छ कि शाहरुख यसमा निकै उत्सुक छन् र फिल्ममा भिएफएक्स अर्थात् स्पेशल इफेक्टमा धेरै पैसा खर्च गरिएको छ ।