काठमाडौं । नागाल्याण्डमा सडकमा पार्किङ गरिएका कारहरूमा ढुङ्गाको ठूलो टुक्रा खस्दा दुई जनाको मृत्यु भएको छ भने तीन जना घाइते भएका छन् ।

मंगलबार साँझ भएको घटनाको भिडियो सामाजिक सञ्जालमा शेयर भइरहेको छ । भिडियोमा देख्न सकिन्छ कि तीन सेकेन्डमै ढुङ्गाको ठूलो टुक्रा पहिले एउटा कारको माथि खसेर नजिकैको अर्को कारमा खसेको थियो ।

ढुङ्गा यति तीव्र गतिमा खसेको थियो कि दुबै गाडीहरु ध्वस्त भएका थिए । घटना हुँदा पानी परिरहेको थियो ।

#WATCH | A massive rock smashed a car leaving two people dead and three seriously injured in Dimapur’s Chumoukedima, Nagaland, earlier today

(Viral video confirmed by police) pic.twitter.com/0rVUYZLZFN

— ANI (@ANI) July 4, 2023

समाचार एजेन्सी पीटीआईका अनुसार अधिकारीहरूले यो घटना नागाल्याण्डको चुमोकेडिमा जिल्लाको भएको बताए।

अधिकारीका अनुसार एक जनाको घटनास्थलमै र अर्का एक जनाको उपचारका क्रममा अस्पतालमा मृत्यु भएको हो ।

घाइते तीनै जनाको अस्पतालमा उपचार भइरहेको छ । यो समाचार लेख्दासम्म प्रहरीले कारमा एक जना अझै फसेको र उद्धारको प्रयास भइरहेको बताएको थियो ।

दुर्घटनामा परेका कारहरू कोहिमा तर्फबाट आइरहेका थिए ।