काठमाडौं । पाकिस्तानकी सीमा हैदर र ग्रेटर नोएडाका सचिन मीणाको प्रेमकथा अहिले देशभर चर्चाको विषय बनेको छ । आफ्नो पबजी पार्टनर सचिनको गहिरो प्रेममा, सीमा हैदर चार बच्चाहरुसंग पाकिस्तानबाट रबुपुरा पुगिन्।

सीमा हैदर नेपाल हुँदै भारत गएकी थिइन् । आजतकलाई दिएको एक अन्तर्वार्तामा सीमा हैदरले सचिनसँग भएकोमा आफू निकै खुसी भएको बताइन् । पाकिस्तानबाट भारत आएपछि सीमाको पहिरन, खानपान, रहनसहन र चलन पनि पुरै परिवर्तन भएको छ ।

सीमाको पहिरन र पूजा देखेर स्थानीय जनता पनि छक्क परेका छन् । सीमा हैदरले आइतबार तुलसीको विधिवत पूजा गरेकी छन् । उनले घाँटीमा रातो रंगको स्कार्फ पनि लगाएकी थिइन्, जसमा राधे-राधे लेखिएको थियो।

सीमाले तुलसीलाई जल चढाई र हात जोडेर आफ्नो भावी जीवनको कामना गरिन् । यसपछि उनले ससुराको खुट्टा छोएर आशीर्वाद लिइन् । सीमाले अहिले सचिनको नामको मङ्गलसूत्र घाँटीमा र निधारमा सिन्दुर लगाएकी छिन् ।

सीमा हैदरले बलिउड फिल्म पाकिस्तानमा धेरै हेरिने बताइन् । उनले मोबाइलमा धेरै हिन्दी चलचित्र पनि हेरेकी छन् । सीमाले नेपालमा सचिनसँग बलिउड गीतमा धेरै रिल पनि गरेकी छिन् । उनलाई भारतीय पहिरन र व्यवहारको बारेमा धेरै थाहा छ। तेनाली रामा सिरियल हेरेर सीमाले हिन्दी बोल्न सिकिन् ।

सचिनको माया पाउनको लागि सीमाले आफ्नो देश मात्र छोड्नुपरेको थिएन, आफ्नो मनपर्ने धेरै कुराको त्याग पनि गर्नुपरेको थियो । कुनै समय चिकेन बिरयानी खान मन लाग्ने सीमा अहिले सचिनका लागि शाकाहारी बनेकी छिन् । उसले मासु र माछा त्यागिन् । सचिनको घरमा लसुन पनि खाइँदैन ।

मार्चमा नेपालमा पहिलो पटक सचिनसँग भेट भएको सीमाले बताएकी थिइन् । सचिनलाई भेटेपछि उनको ठूलो सपना पूरा भएको महसुस भयो । नेपालमै सचिनले सीमाको सिउँदोमा सिन्दुर भरेर श्रीमतीको रुपमा स्वीकार गरेका थिए । त्यसपछि सीमाले हिन्दू धर्म ग्रहण गरिन् ।

नोएडा पुलिसका अनुसार सीमा हैदर पाकिस्तानको सिन्ध प्रान्तको जैसमाबादकी बासिन्दा हुन्। सीमाको पहिलो विवाह सन् २०१४ मा गुलाम रजा नामका व्यक्तिसँग भएको थियो । गुलाम हैदरको परिवार कराँचीमा बस्थे र उनी एक टाइल कारीगर थिए। सीमा र गुलामका तीन छोरी र एक छोरा छन् । सन् २०१९ मा कामको खोजीमा गुलाम हैदर साउदी अरब गएका थिए ।

सीमा हैदर र सचिन पब्जी खेल्दा एक अर्काको सम्पर्कमा आएका थिए । केही समयपछि दुवैले नम्बर साटासाट गरे र त्यसपछि दुवैले कुरा गर्न थाले । यसबीचमा सचिनले सीमालाई भेट्ने धेरै प्रयास गरे तर दुवैलाई सिमाना पार गर्न सजिलो थिएन ।

सन् २०२३ को मार्चमा शारजाह हुँदै सीमा नेपालको काठमाडौं आएकी थिइन् । यहाँ सचिन पनि बस चढेर काठमाडौं गएका थिए । त्यसपछि दुवैले पहिलो पटक आमनेसामने देखे । नेपालमा दुवै सात दिन होटलमा बसे । त्यसपछि सीमा पाकिस्तान फर्किइन्।

पाकिस्तान फर्केपछि सीमाले कराँचीको एक ट्राभल एजेन्टलाई सम्पर्क गरि आफ्ना चार छोराछोरी लिएर भारत आउने बारे सोधिन् । त्यसपछि उनलाई नेपाल हुँदै भारतमा सजिलै पस्न सकिन्छ भन्ने थाहा भयो । १३ मे मा सीमा गौतम बुद्ध नगरको रबुपुरा इलाकामा सचिनको ठाउँमा पुगेकी थिइन्। सचिनको मायामा सीमाले आफ्नो जग्गा पनि बेचिसकेकी थिइन् ।