पर्सा। वीरगंज महानगरपालिका १६ स्थित भन्सार मेनगेट ईलाकाबाट चरेशसहित दुई जनालाई पक्राउ गरेको छ।  पक्राउ पर्नेमा पर्सा जिल्लाको पटेर्वासुगौली गाउँपालिका ५ बस्ने ३५ बर्षिय सत्य नारायण माझी र ४० बर्षिय प्रलाद माझी रहेका छन्।

वीरगंज महानगरपालिका १६ स्थित भन्सार मेनगेट ईलाकाबाट प्रहरीले अन्दाजी १५ केजी चरेश र एउटा मोटरसाईकलसहित उनीहरुलाई पक्राउ गरेको हो। उनीहरुलाई बीआर २२ एम ४२०६ नम्बरको मोटरसाईकलको ट्याङकीमा लुकाई छिपाई नेपालबाट भारततर्फ लैजाँदै गरेको अवस्थामा प्रस्तावित सीमा सुरक्षा गुल्म वीरगंजले नियन्त्रणमा लिएको हो ।

नियन्त्रणमा लिईएका दुवै जनालाई बरामद चरेश र मोटरसाईलकसहित आवश्यक कारवाहीको लागि प्रहरी चौकी ईनर्वा पर्सामा बुझार्ईएको छ ।