काठमाडौं । शाहरुख खानको फिल्म जवान छिट्टै सिनेमाघरमा रिलिज हुँदैछ । हालै फिल्म जवानको ट्रेलर सार्वजनिक भएको छ । ट्रेलरलाई अहिलेसम्म करोडौंले हेरिसकेका छन् ।

यस्तो अवस्थामा शाहरुख खानले पठान फिल्म जस्तै जवानको प्रमोशन गर्न थालेका छन् । शाहरुख खानले ट्विटरमा #आस्कएसआरके मार्फत फ्यानहरूले सोधेका प्रश्नको जवाफ दिए।

शाहरुख खान त्यस्ता अवसरहरूमा आफ्नो रिचक जवाफ लागि परिचित छन् । यस्तै एउटा प्रश्नको जवाफ शाहरुखले बिहीबार ट्विटरमा दिएका छन् । यो प्रश्न पहिले पनि सोधिएको थियो जब फिल्म पठानले एक हजार करोड कमाएको थियो ।

त्यसपछि केहीले सामाजिक सञ्जालमा भनेका थिए कि शाहरुख आफैंले आफ्नो फिल्मको टिकट किन्छन् । अब शहजाद कुरैशीले ट्वीटरमा प्रश्न सोधे– के तपाई आफ्नो फिल्मको टिकट आफै किन्नु हुन्छ ? शाहरुखले जवाफ दिए– के तिमी आफ्नो कामको तलब आफै दिन्छौ ?

एक फ्यानले सोधे– पठानले धेरै कमायो, अहिले जवान ल्याइरहनुभएको छ, यसबाट के अपेक्षा छ ? शाहरुखले जवाफ दिए- सधैं एउटै आशा छ कि म तपाई सबैलाई मनोरञ्जन दिन सकुँ। आशा छ तपाईहरुलाई मनपर्छ।

शाहरुखले फिल्ममा अरिजित सिंहको एउटा गीत रहने पनि बताए । शाहरुखले भने- म जहाँ छु, त्यहाँ अरिजित दादा हुनुपर्छ ।

एक फ्यानले फिल्ममा उनको बाल्ड लुक मन परेको बताए । यसमा शाहरुखले भने, ‘मलाई पनि यो मन पर्यो किनभने अब मसँग देखाउनको लागि ठूलो अनुहार छ ।