काठमाडौं । स्वीडेनमा पवित्र कुरान जलाएको घटनाले विवाद चर्किएको छ । यो घटनाको विश्वभर चर्चा भइरहेको छ । हालै पाकिस्तानले पवित्र कुरान जलाउने घटनाको विरुद्धमा संयुक्त राष्ट्र मानव अधिकार परिषद्मा धार्मिक घृणा सम्बन्धी प्रस्ताव ल्यायो। मस्यौदा प्रस्ताव बुधबार स्वीकृत भएको हो ।

विशेष कुरा के छ भने भारतले पनि संयुक्त राष्ट्रसंघमा पाकिस्तानको यो प्रस्तावलाई समर्थन गरेको छ । संयुक्त राष्ट्र मानव अधिकार परिषदमा ५७ इस्लामिक देशहरूको संगठन ओआईसीको तर्फबाट पाकिस्तानले मस्यौदा प्रस्ताव पेश गरेको थियो, जसमा केही युरोपेली र अन्य देशहरूमा पवित्र कुरानको साथ धेरै गलत घटनाहरूको निन्दा गरिएको थियो।

कुल ४७ सदस्य राष्ट्रमध्ये १२ राष्ट्रले यूएनएचआरसीमा पेश गरेको यो प्रस्तावको विरोध गरेका छन् । यी देशहरूमा अमेरिका, बेलायत, बेल्जियम, जर्मनी, रोमानिया, लिथुआनिया, कोस्टारिका र फिनल्याण्ड पनि छन्। जबकि भारत र चीनसहित कुल २८ देशले पाकिस्तानको प्रस्तावलाई समर्थन गरेका छन् । कसैलाई समर्थन नगर्ने ७ देश पनि थिए । यी देशमा नेपाल पनि परेको छ ।

यूएनएचआरसीमा प्रस्तावमाथिको बहसका क्रममा मुस्लिम देशहरूले कुरान जलाउने जस्ता घटनाले घृणा बढाउने काम गरेको बताए। अभिव्यक्ति स्वतन्त्रताको नाममा यस्ता घटनालाई बढावा दिन सकिँदैन । पश्चिमी देशहरूले त्यस्ता घटनाहरूको निन्दा गरेका छन्, तर तर्क गरेका छन् कि अभिव्यक्ति स्वतन्त्रता कहिलेकाहीं असहनीय विचारहरू सहनु हो।

पाकिस्तानको यो प्रस्तावलाई धेरै देशले अमेरिका र बेलायतजस्ता पश्चिमी देशको विरुद्धमा गएर समर्थन गरेका छन् । पाकिस्तानी अखबार डनले संयुक्त राष्ट्रसंघमा पाकिस्तानलाई २८ देशको ठूलो समर्थन प्राप्त हुनुलाई पश्चिमी देशहरूको ठूलो हार भएको बताएको छ । यससँगै युएनएचसीआरमा ओआईसीको वर्चस्व रहेको अखबारमा लेखिएको छ ।

अर्कोतर्फ संयुक्त राष्ट्र मानवअधिकार परिषद्का लागि अमेरिकी स्थायी प्रतिनिधि मिशेल टेलरले अमेरिकी चिन्तालाई गम्भीरतापूर्वक नलिएको बताए । खुला छलफल र केही समयपछि यो प्रस्तावमा हामी सबै मिलेर अगाडि बढ्ने बाटो मिल्ने उनको विश्वास छ ।