काठमाडौं । सुपरस्टार शाहरुख खानले ‘जवान’ को नयाँ पोस्टर सार्वजनिक गरेका छन् । जसमा अभिनेत्री नयनतारा हातमा राइफल लिएकी देखिएकी छिन् ।

नयनताराको नयाँ लुकको सामाजिक सञ्जालमा निकै चर्चा भइरहेको छ ।

सेप्टेम्बरमा रिलिज हुन लागेको फिल्म ‘जवान’ को पोस्टर रिलिज गर्दै शाहरुख खानले ट्विटरमा लेखेका छन्, ‘यो त्यही बिजुली हो जुन आँधी आउनुअघि देखिन्छ ।’

She is the thunder that comes before the storm! #Nayanthara#JawanPrevue Out Now! #Jawan releasing worldwide on 7th September 2023, in Hindi, Tamil & Telugu. pic.twitter.com/STn6a20kka

— Shah Rukh Khan (@iamsrk) July 17, 2023

ट्वीटरमा जारी गरिएको पोस्टरमा लेखिएको छ– ‘तिमी तयार छौ कि छैनौ तर एसल्ट राइफल (ग्लक) समातेका छौं ।

‘कोलामावु कोकिला’, ‘गजनी’ र ‘नेत्रइकन’ जस्ता तमिल फिल्ममा काम गरिसकेकी नयनतारा ‘जवान’ मा शाहरुख खानको अपोजिटमा देखिनेछिन् ।

‘जवान’ रेड चिलीज इन्टरटेनमेन्टको प्रोडक्सन हो र एटलीले निर्देशन गरेका हुन्। शाहरुख खानकी श्रीमती गौरी खान यसको निर्माता हुन् भने गौरव वर्मा सह-निर्माता हुन् ।

जवान हिन्दी, तमिल र तेलुगु भाषामा सेप्टेम्बर ७ मा विश्वभरका सिनेमाघरहरूमा रिलिज हुनेछ। शाहरुखको फिल्म ‘पठान’ हिट भएपछि मात्रै उनको फिल्मको चर्चा भइरहेको छ । यसको पूर्वदृश्य पनि सार्वजनिक भएको छ ।