काठमाडौं । सलमान खान र उनको निर्माण कम्पनी सलमान खान फिल्म्स (एसकेएफ) ले सोमबार एक विज्ञप्ति जारी गरी मानिसहरूलाई ‘कास्टिङ कल’ बारे चेतावनी दिएका छन् ।

फिल्ममा कास्ट (भूमिका दिन) आफ्नो नामसहित फोन, मेसेज वा इमेल आएमा होसियार हुनुपर्ने उनको भनाइ छ । अभिनेताले ट्विटरमा आधिकारिक बयान जारी गरे।

Official Notice! pic.twitter.com/uIvAQgYbwl

— Salman Khan (@BeingSalmanKhan) July 17, 2023

उनले भने, ‘अहिले सलमान खान र सलमान खान फिल्म्सले कुनै पनि फिल्मका लागि कास्टिङ नगरेको स्पष्ट पारिएको छ । हामीले हाम्रा आगामी फिल्मका लागि पनि कास्टिङ एजेन्ट राखेका छैनौँ । तपाईलाई कुनै प्रकारको सन्देश वा इमेल प्राप्त भएमा यो (कास्टिङ) लाई विश्वास नगर्न अनुरोध गरिन्छ। खान र एसकेएफको नाम अवैध रूपमा प्रयोग गर्नेलाई कानुनी कारबाही गरिनेछ।

सलमान खानको प्रोडक्सनमा बनेको फिल्म ‘किसी का भाई किसी की जान’ यो वर्षको इदमा रिलिज भएको थियो ।