काठमाडौँ। शर्मिला फुयाल (सन्ध्या) र कर्णराज गिरीको स्वर रहेको ‘कुन तार मिलेन’ बोलको म्युजिक भिडियोले दर्शक र स्रोताको मन जितिरहेको छ।

रिलिज भएको तीन साता नपुग्दै उक्त गीतलाई युट्युबमा १० लाख पटकभन्दा बढी पटक हेरिएको छ। उक्त गीतमा  शर्मिला फुयाल (सन्ध्या)को शब्द/संगीत रहेको छ भने ध्वनि मिश्रण बाबुल गिरीको रहेको छ।

युवा प्रेम र आकर्षणलाई प्रस्तुत गरिएको गीतको भिडियोमा सुधिर श्रेष्ठ, उषा उप्रेति, कर्णराज गिरी र शर्मीला फुयाल (सन्ध्या) बीचको अनस्क्रिन प्रेम र रोमान्स देख्न सकिन्छ।

विक्रम चौहानको निर्देशन रहेको भिडियोलाई मिलन विश्वकर्मको सम्पादन र प्रकाश खड्काको छायांकनमा भिडियो तयार पारिएको हो। भिडियो ‘ओएसआर डिजिटल’ नामक युट्युव च्यानलमार्फत् सार्वजनिक भएको हो।