काठमाडौं । भारतले जुलाई १४ मा प्रक्षेपण गरिएको चन्द्रयान–३ चन्द्रमाको कक्षमा प्रवेश गर्ने तयारीमा छ । केन्द्रीय मन्त्री जितेन्द्र सिंहले चन्द्रयान–३ सोमबार चन्द्रमाको कक्षातर्फ बढ्ने बताएका छन् ।

उनले सोमबार यो चन्द्रमाको कक्षमा जाने र त्यसपछि सबैभन्दा भित्री सतहमा पुग्ने बताए । जितेन्द्र सिंहले चन्द्रमाको कक्षमा प्रवेश गरेपछि चन्द्रमाको दक्षिणी ध्रुवमा कुन ठाउँमा अवतरण गर्ने भनेर जाँच गर्ने बताए ।

उनले अगस्टको पहिलो साता चन्द्रमाको कक्षामा पुग्ने र अगस्ट २३ मा यसको दक्षिणी ध्रुवमा अवतरण गर्ने बताए ।

अगस्ट १७ मा प्रोपल्सन प्रणाली ल्यान्डर रोभरबाट अलग हुनेछ। यसपछि, ल्यान्डर र रोभरलाई चन्द्रमाको कक्षमा राखिनेछ, जसको लागि यसको डिबोस्टिङ स्पीड घटाइनेछ र अगस्ट २३ मा ल्यान्डरले रोभरलाई चन्द्रमामा अवतरण गर्नेछ।