काठमाडौं । अनलाइन गेम खेलेर सुरु भएको सचिन मीणा र सीमा हैदरको प्रेमकथाले सीमालाई पाकिस्तानबाट भारत ल्याएको छ । त्यसैगरी भारतकी अन्जु र पाकिस्तानका नसरुल्लाह पनि अनलाइनबाट साथी बने र त्यसपछि दुवैबीच प्रेम कथा सुरु भयो ।

अहिले भारतकी अन्जु नसरुल्लाहसँग इन्गेजमेन्ट गर्न पाकिस्तान पुगेकी छिन् । अन्जुले २१ जुलाईमा पाकिस्तान जान ३० दिनको भिसा पाएकी थिइन् ।

मोहम्मद जुबैर खानले बीबीसी उर्दूका लागि पाकिस्तानमा २९ वर्षीय नसरुल्लाहसँग कुरा गरे। मुहम्मद जुबैर खानका अनुसार, ‘अहिले अन्जु पाकिस्तानको डियर बालामा नसरुल्लाहको घरमा बस्छिन्।’

बीबीसीसँग कुरा गर्दै डियर बालाका जिल्ला प्रहरी अधिकारी मोहम्मद मुश्ताकले अन्जुको उपस्थिति पुष्टि गरे।

अन्जु विवाहित छिन् । उनी आफ्ना श्रीमान् र दुई छोराछोरीका परिवारसँग अलवरको भिवाडीमा बस्दै आएकी थिइन्।

भिवाडीस्थित आफ्नै घरमा उपस्थित अन्जुका श्रीमान् अरविन्दले फोनमा बीबीसी हिन्दीलाई भने, “अन्जु गत जुलाई २१ मा जयपुर जाने भन्दै घरबाट निस्किएकी थिइन्। त्यसबेलादेखि हामी ह्वाट्सएपमा कुरा गरिरहेका थियौं। जुलाई २३ को साँझ छोराको स्वास्थ्य बिग्रिएपछि अञ्जुलाई कहिले आउने भनेर सोधियो। त्यसपछि अन्जुले आफू पाकिस्तानमा भएको र छिट्टै फर्कने बताएकी थिइन्।”

अरविन्दले भने, “अन्जुले पाकिस्तान जानेबारे कसैलाई पनि जानकारी दिइनन्। उनी जयपुर जान भन्दै गइन्। अन्जुले धेरै पहिले पासपोर्ट बनाएकी थिइन्, हामीलाई थाहा थियो।”

अरविन्दले बीबीसीलाई भने, ‘म ४० वर्षको छु र अन्जु लगभग ३५ वर्षकी छिन् । हामी दुवै मूलतः यूपीका हौं। तर, विगत केही वर्षदेखि भिवाडीमा बस्दै आएका छौं ।”

उनी भन्छन्, “हामीले सन् २००७ मा बिहे गरेका थियौँ। अहिले हाम्रा दुई सन्तान छन्। जेठी छोरी १५ वर्षकी भइन् र कान्छो छोरा छन्, दुवै विद्यालय जान्छन्।”

अरविन्दले आफूले बाह्रसम्म पढेको र अन्जुले दसौं पास गरेको बताए । अरविन्दले भने- “अन्जु भिवाडीमा नै एउटा कम्पनीमा काम गर्छिन् । म पनि नजिकैको अर्को कम्पनीमा काम गर्छु।”

अन्जु सामाजिक सञ्जाल मार्फत भेटेका पुरुषसँग इन्गेजमेन्ट गर्न पाकिस्तान गएकी छिन्, बीबीसी हिन्दीको यो प्रश्नमा अरविन्द भन्छन्, “होइन। हमीलाई तो जयपुर जाने भनेर गएकी हुन् । मैले अञ्जुको फोन कहिल्यै चेक गरिन किनभने यसले सम्बन्ध बिग्रन्छ।”

अञ्जुका श्रीमान् अरविन्दले हाल यस विषयमा प्रहरीमा उजुरी दिएका छैनन् । नसरुल्लाहले बीबीसी उर्दूलाई भने कि उनी केही वर्षअघि फेसबुकमार्फत भारतकी अन्जुसँग सम्पर्कमा आएका थिए।