घुस लिएको भिडयो भाइरल भए पछि दुई प्रहरी निलम्बनमा
![घुस लिएको भिडयो भाइरल भए पछि दुई प्रहरी निलम्बनमा](https://www.dcnepal.com/wp-content/uploads/2023/08/corrupt-police_20200323115404.jpg)
रौतहट। राजमार्गमा चेक जाँचको नाममा जिप चालकसित घूसको रकम लिएको आरोपमा दुई प्रहरी निलम्बनमा परेका छन्।
महेन्द्र राजमार्गमा डियुटीमा रहेको बेला प्रहरी र ट्राफिक जवानले चालकसित अवैध रकम लिएको पुष्टी भएपछि दुई प्रहरी जवानलाई तत्कालै निलम्बन गरिएको हो।
उनीहरूले घुस लिएको भिडियो सामाजिक सञ्जालमा भाइरल भएपछि प्रहरी प्रधान कार्यालयको निर्देशनमा रौतहट र सर्लाहीका दुई प्रहरीलाई शुक्रबार साँझ निलम्बन गरिएको जनाइएको छ।
यसरी प्रहरी प्रधान कार्यालयवाट निलम्बन परेको सूचना पाउनेमा रौतहटको इलाका प्रहरी कार्यालय गरुडा अन्तर्गतको प्रहरी चौकी हर्षाहामा कार्यरत प्रहरी जवान सुनिलकुमार यादव र मधेश प्रदेश राजमार्ग ट्राफिक कार्यालय पथलैया बारा अन्तर्गतको सर्लाहीस्थित वाग्मती पोष्टमा कार्यरत ट्राफिक प्रहरी जवान विकाश कलवार रहेका छन्।
उनीहरूलाइ निलम्बन गरेर थप छानबिन गरिराखिएको जनाइएको छ।
Facebook Comment