काठमाडौं । उत्तर कोरियाका शासक किम जोङ उनले बिहीबारदेखि शनिबारसम्म हतियार कारखानाको भ्रमण गरेका थिए । यसमा क्रुज मिसाइल र हवाई हतियार बनाउने कारखानाहरू पनि थिए। यस क्रममा किम आफैं हातमा बन्दुक लिएर गोली चलाएको देखियो ।

किमले सुपर लार्ज-क्यालिबर मल्टिपल रकेट लन्चर र ट्रान्सपोर्टर-इरेक्टर-लन्चरका लागि शेलहरू उत्पादन गर्ने कारखानाहरूको पनि निरीक्षण गरे। केसीएनएका अनुसार किमले युद्धको तयारीका लागि साना हतियारको आधुनिकीकरण सबैभन्दा महत्त्वपूर्ण भएको बताए ।

किमले देशको सुरक्षाका लागि हतियारको उत्पादन बढाउनुपर्नेमा जोड दिए । किमले विभिन्न प्रकारका अत्याधुनिक रणनीतिक हतियार निर्माण गर्न पनि आदेश दिएका छन् । उनले थप हतियार बनाएर क्रान्ति ल्याउनुपर्ने बताए । विज्ञहरूका अनुसार किम सामान्यतया यसरी हतियार कारखानामा जाँदैनन् ।

यसअघि उत्तर कोरियामा विजय दिवसको अवसरमा सैन्य परेडको आयोजना गरिएको थियो । यस परेडमा आणविक क्षमताका मिसाइलका साथै नयाँ ड्रोन र धेरै ब्यालेस्टिक मिसाइलहरू देखाइएको थियो। जसमा अमेरिकामा प्रहार गर्न सक्ने ह्वासोङ-१७ र १८ थिए।

उत्तर कोरियाको विजय दिवस समारोहमा रुसका रक्षामन्त्री सर्गेई शोइगु र चीनको प्रतिनिधिमण्डल पनि सहभागी थिए । यस क्रममा किम जोङले रुसी रक्षामन्त्री सर्गेई शोइगुसँग भेट गरे र दुई नेताबीच सैन्य मुद्दा र सुरक्षाका विषयमा छलफल भएको थियो ।

त्यसपछि रक्षामन्त्री शोइगुले पनि भाषण दिए । उनले उत्तर कोरियाको सेना विश्वकै शक्तिशाली सेना बनेको बताएका थिए । शोइगुले उत्तर कोरियाको रक्षा प्रदर्शनीमा ब्यालेस्टिक मिसाइल र अन्य महत्वपूर्ण हतियार पनि हेरे।

हालै उत्तर कोरियाले पहिलो ठोस इन्धन इन्टरकन्टिनेन्टल ब्यालिस्टिक मिसाइलको परीक्षण गरेको थियो। यसबाहेक जासुसी उपग्रहसँगै अन्य धेरै मिसाइल र रकेट लन्चरको पनि परीक्षण गरिएको थियो । यसैबीच अमेरिकाले लगातार उत्तर कोरियाले रुसलाई युद्धका लागि हतियार दिएको आरोप लगाएको छ ।

यसअघि मार्चमा उत्तर कोरियाले धेरै इन्टरकन्टिनेन्टल ब्यालिस्टिक मिसाइल (आईसीबीएम) र अन्य मिसाइलहरूको परीक्षण गरेको थियो। यो देशले पहिलो पटक आफ्नो आणविक हतियार विश्वसामु प्रस्तुत गरेको थियो । यस क्रममा उत्तर कोरियाले अझ खतरनाक आणविक हतियार बनाउने कुरा गरेको थियो ।

उत्तर कोरियाको हतियार साना भए पनि अमेरिका र दक्षिण कोरियामा विनाश मच्चाउन अन्तरमहादेशीय ब्यालेस्टिक मिसाइलमा प्रयोग गर्न सकिने परमाणु विज्ञहरू विश्वास गर्छन्। सियोल नेशनल युनिभर्सिटीका प्रोफेसर केओन सूका अनुसार उत्तर कोरियाले पहिलो पटक आधिकारिक रूपमा देखाइएका आणविक हतियारहरू सन् २०१६ भन्दा ठूलो छन्। यसले आणविक हतियार बनाउनमा उनीहरूको प्रगति स्पष्ट रूपमा देखाउँछ।