काठमाडौं । हिमाचल प्रदेशको सोलन जिल्लामा बादल फुटेका कारण धेरै ठाउँमा बाढी र पहिरो गएको छ । जसमा सात जनाको मृत्यु भएको छ भने तीन जना बेपत्ता छन् । एक मन्दिरमा गएको पहिरोमा धेरै मानिस फसेको प्रशासनले जनाएको छ ।

एसपी शिमला सञ्जीव कुमार गान्धीले समाचार एजेन्सी एएनआईलाई भने कि पहिरोका कारण मन्दिर भत्किएको छ, जसले वरपरका भवनहरूलाई खतरामा पारेको छ। धेरै मानिस फसेका छन् ।

राज्यका मुख्यमन्त्री सुखविन्दर सिंह सुखुले एक्स (ट्विटर) मा लेखेका छन्, “सोलन जिल्लाको धवला उप-तहसीलको जादोन गाउँमा बादल फुट्दा भएको दुःखद घटनामा ७ जनाको मृत्यु भएको खबरले म गहिरो दुःखी छु। शोकसन्तप्त परिवारजनमा मेरो समवेदना, हामी यस दु:खद घडीमा तपाईंको पीडा र दु:ख साझा गर्दछौं। पीडित परिवारलाई सम्भावित सबै सहयोग सुनिश्चित गर्न अधिकारीहरूलाई निर्देशन दिएका छौं। ,

हिमाचलका सबै शैक्षिक संस्था आज बन्द रहने छन् । मुख्यमन्त्रीले हरेक जिल्लाका कलेक्टरसँग आफू निरन्तर सम्पर्कमा रहेको बताए । यसअघि भारतको मौसम विज्ञान विभाग (आईएमडी) ले शनिबार हिमाचल प्रदेशका आठ जिल्लामा ओरेन्ज अलर्ट जारी गरेको थियो।