प्रभासको फिल्म सालार १ सीजफायरको टिजर रिलिज भइसकेको छ र दर्शकहरू फिल्मको प्रतिक्षामा छन् । त्, फिल्मका निर्देशक प्रशान्त नीलले भने सालार २ भन्दा पहिले कन्नड ब्लकबस्टर फिल्म केजीएफको तेस्रो सिक्वेलको सुटिङको तयारी गरेका छन् ।

वास्तवमा सालार केजीएफ निर्देशक प्रशान्त नीलको निर्देशनमा बन्ने फिल्म हो । केजीएफ च्याप्टर १ र २ जस्ता ठूला ब्लकबस्टर फिल्महरू दिएका यी निर्देशकको केजीएफ सिरिजको अर्को फिल्मको पनि दर्शकलाई प्रतिक्षा छ ।

निर्देशक प्रशान्त नीलले केजीएफ च्याप्टर ३ को काम कहिलेबाट सुरु गर्न लागेका छन् भन्ने कुरा जान्ने फ्यानहरुको जिज्ञासा बढेको छ र अब निर्देशकले सालर २ को सुटिङ सुरु गर्नुअघि नै फिल्मलाई फ्लोरमा ल्याउने बताइन्छ ।

निर्देशकले नयाँ केजीएफ युनिभर्स सिर्जना गरेका छन् जुन मनोरञ्जन संसारमा सबैभन्दा ठूलो फ्रान्चाइजीहरू मध्ये एकको रूपमा उभरिरहेको छ। परियोजनाको नजिकको स्रोतका अनुसार, “सलार २ को छायांकन सुरु गर्नु अघि प्रशान्त नीलले केजीएफ च्याप्टर ३ मा काम सुरु गर्नेछन्। निर्देशकले छिट्टै केजीएफ च्याप्टर ३ लाई समय दिन थाल्नेछन्।”