काठमाडौं । अभिनेता सनी देओलको फिल्म गदर–२ को पहिलो हप्ताको कमाईको आँकडा सार्वजनिक भएको छ ।

फिल्म समीक्षक तरण आदर्शले सामाजिक सञ्जालमा गदर–२ ले पहिलो हप्तामा करिब २८४ करोड कमाएको बताएका छन् ।

तरणले शुक्रबार यो फिल्मले ३ सय करोड कमाइ पूरा गर्ने बताएका छन् ।

गदर–२ फिल्म ११ अगस्टमा रिलिज भएको थियो । यो फिल्मसँगै अक्षय कुमारको ओएमजी–२ पनि थिएटरमा रिलिज भएको थियो ।

गदर–२ ले भारतीय सिनेमाको इतिहासमा पनि नयाँ कीर्तिमान बनाएको छ ।

अगस्ट १५ मा कुनै पनि भारतीय फिल्मले ५५ करोड कमाउन सकेको छैन । तर गदर–२ ले यो उपलब्धि अगस्ट १५ मा हासिल गरेको छ ।

मल्टिप्लेक्सबाहेक गदर–२ फिल्मले सिंगल स्क्रिन थिएटरमा पनि राम्रो कमाइ गरिरहेको छ ।

तरण आदर्शले लामो समयपछि सिंगल स्क्रिन थिएटरमा फिल्मले यति धेरै कमाइ गरेको लेख्छन् ।

गदर फिल्म सन् २००१ मा रिलिज भएको थियो ।

यो फिल्मको आफ्नै फ्यान फलोइङ छ । गदरको पार्ट २ गर्ने बारे सनी देओलले एक अन्तर्वार्तामा भनेका थिए– ‘गदरको पार्ट २ बनाएमा अघिल्लो फिल्मको स्वाद बिग्रन्छ कि भन्ने डर थियो ।

गदर–२ का निर्देशक अनिल शर्मा हुन् । फिल्ममा सनी देओलका अलावा अमिषा पटेल पनि छिन् ।