काठमाडौं । अहिले सबैतिर सनी देओल र अमिषा पटेल स्टारर फिल्म ‘गदर २’ को चर्चा छ । फिल्मले बक्स अफिसमा उत्कृष्ट कमाई गरिरहेको छ । ‘गदर २’ को रिलिजमा सन्नीलाई फ्यान र परिवारबाट पूर्ण समर्थन मिलेको छ । उनकी बहिनी ईशाले पनि गदर २ को लागि स्पेशल स्क्रिनिङको आयोजना गरिन् ।

स्क्रिनिङमा सनी देओल दुवै दिदीबहिनीसँग पोज दिएका देखिए । उनीहरुलाई सँगै देखेर उनीहरुका फ्यानहरुको मन खुसीले भरिएको थियो । यसै क्रममा सन्नी र ईशाको बारेमा नयाँ अपडेटहरू आइरहेका छन् । बलिउड लाइफको रिपोर्टका अनुसार यो रक्षाबन्धनमा सन्नी पहिलो पटक बहिनी ईशाको घर जानेछन् ।

रिपोर्टमा बबी देओल र अभय देओल पनि सनीको साथमा रहने बताइएको छ । यदि वास्तविकतामा यस्तो भयो भने देओल परिवारका फ्यानका लागि यो साँच्चै खुसीको खबर हो । यसअघि जब सन्नी, ईशा, बबी र आहाना स्क्रिनिङका लागि सँगै आएका थिए, धर्मेन्द्रले सबै बालबालिकालाई सँगै देखेर खुशीको आँसु आएको बताएका थिए ।