काठमाडौं । अभिनेता पंकज त्रिपाठीका पिता पण्डित बनारस त्रिपाठीको निधन भएको छ । उनी ९९ वर्षका थिए ।

पंकज त्रिपाठीको परिवारद्वारा जारी विज्ञप्तिमा पण्डित त्रिपाठीको सोमबार अन्तिम संस्कार गरिएको बताइएको छ ।

पंकज त्रिपाठी बिहारको गोपालगञ्ज जिल्लाका बासिन्दा हुन्। उनका बुबा त्यहीँ बस्थे ।

पंकज त्रिपाठी यतिबेला आफ्नो फिल्म ओएमजी–२ लाई लिएर चर्चामा छन् । यो फिल्मले सय करोडभन्दा बढीको व्यापार गरेको छ ।