काठमाडौं । दक्षिण कोरियाको सेनाले उत्तर कोरियाले आफ्नो दक्षिणी तटमा धेरै क्रुज मिसाइल प्रहार गरेको जनाएको छ ।

दक्षिण कोरियाका जोइन्ट चिफ अफ स्टाफले शनिबार बिहान भएको मिसाइल प्रक्षेपणबारे अनुसन्धान भइरहेको बताएका छन्। उनले यसबारे थप जानकारी दिएनन् ।

उनले भने, ‘हामीले अमेरिकासँग मिलेर निगरानी र जासुसी गतिविधि बढाएका छौं र हामी अमेरिकासँग सम्पर्कमा छौँ र पूर्णतया तयार छौँ ।’

केही दिनअघि मात्रै अमेरिका र दक्षिण कोरियाबीचको संयुक्त सैन्य अभ्यासको जवाफमा उत्तर कोरियाले समुद्रमा दुईवटा ब्यालेस्टिक मिसाइल प्रहार गरेको थियो ।

त्यसपछि उत्तर कोरियाले यी क्षेप्यास्त्र प्रक्षेपणहरू दक्षिण कोरियाको लक्ष्यमा परमाणु हमला गर्ने अभ्यास भएको बताएको थियो।

उत्तर कोरियाले यो वर्ष रेकर्ड संख्यामा हतियार परीक्षण गरेको छ । जवाफमा अमेरिका र दक्षिण कोरियाले पनि सैन्य अभ्यास गरेका छन् ।