काठमाडौं। काठमाडौंको पेप्सीकोला–काँडाघारी सडक खण्डमा बसले अन्य गाडीलाई ठक्कर दिँदा ६ जना घाइते भएका छन् ।

बिहान पौने ८ बजे जडीबुटीबाट पेप्सीकोलातर्फ जाँदै गरेको बसले एउटा जीप, मोटरसाइकल र स्कुटरलाई ठक्कर दिएको प्रहरीले जनाएको छ ।

घाइतेमध्ये एक जनाको अवस्था गम्भीर रहेको प्रहरीले जनाएको छ । ओभरटेक गर्ने क्रममा बस अन्य गाडीसँग ठोक्किएको हुन सक्ने प्रहरीको अनुमान छ । प्रहरीले अनुसन्धान भइरहेको जनाएको छ ।

घाइतेहरूको सिभिल अस्पतालमा उपचार भइरहेको छ ।