काठमाडौं । गीतकार सबिता बस्नेत दानीको रचनामा नव गायिका मुना ठटालको ‘आफ्नै ठानेर हो प्रिय’ बोलको गीत सार्वजनिक गरिएको छ । अन्तराष्टियस्तरको रियालिटी शो मेरो भ्वाइस युनिभर्सको टप ६ सम्म पुगेकी मुनाको स्वरको यो प्रेमगीत इमेज एफएम ९७ दशमलव ९ बाट शनिवार सार्वजनिक गरिएको हो ।

प्रेमी प्रेमीकाको बीचमा हुने संवादलाई मिठो तरिकाले गीतमा अभिव्यक्त गरिएको छ । प्रेमी प्रेमिकाका बीचमा हुने घुर्की लगाईलाई गीतमा आफ्नै ठानेर त्यसो गरिएको हो भन्ने भाव व्यक्त छ ।

‘आफ्नै ठानेर हो प्रिय तिमीलाइ घुर्काएको, मुटुको कुनामै राखेर हो प्रिय तिमीलाई सताएको’ बोलको यो गीत रचनाकार सविताको दोस्रो अडियो गीत हो । आफ्नो प्रेमिलाइ घुर्काउन सताउनु पनि मायाको एक पाटो हो । आफुले माया गर्ने मानिस हरपल आफ्नै नजर वरपर होस, आफुलाई मात्र माया गरोस भन्ने चाहाना हुनु मा आफ्नो के दोष ? भन्ने भाव रहेको सो गीतमा सुनिल मास्केले संगीत दिएका छन् । संगीतकार सुनिल मास्के र गीतकार बस्नेतको यो दोस्रो सहकार्य हो यस अघि चर्केकै मुटुमा तिरै हान्यौ भन्ने गीत सार्वजनिक भैसकेको छ । आजै सार्वजनिक भएको अडियो यस हप्ता भरी इमेज एफएमबाट सङ अफ दि विक को रुपमा बज्ने छ । रिदम कडेलले यो गीतको एरेन्ज गरेका हुन् ।

भिडियाे