काठमाडौं । जी–२० शिखर सम्मेलनमा सहभागी हुन भारत आएका क्यानडाका प्रधानमन्त्री जस्टिन ट्रुडो अझै दिल्लीमै अलपत्र परेका छन् ।

वास्तवमा उनको विमानमा प्राविधिक गडबडीका कारण पहिले नै तय गरिएको योजनाअनुसार आइतबार क्यानडा फर्किन सकेन ।

क्यानाडाली प्रधानमन्त्रीको कार्यालयले भनेको छ, “क्यानाडाली सेनाले ट्रुडोको फिर्ती सुरक्षित गर्न काम गरिरहेको छ, तर उनले नयाँ दिल्ली छोड्न सक्ने अवस्था मंगलबार दिउँसो मात्रै हुनेछ।”

जी-२० शिखर सम्मेलनमा प्रधानमन्त्री नरेन्द्र मोदीसँगको तनावपूर्ण भेटपछि ट्रुडो आइतवार क्यानडा फर्कने कार्यक्रम थियो। उनका अफिसरले भने, “उनको विमान अझै व्यवस्थित छैन।”

बीबीसीलाई पठाइएको एक विज्ञप्तिमा, क्यानाडाको राष्ट्रिय रक्षा विभागले पुष्टि गर्‍यो कि रोयल क्यानेडियन एयर फोर्स (आरसीएएफ) सीसी-१५० पोलारिस टेल नम्बर ‘०१’ भएको पहिलो विमानमा “सम्भार समस्या देखिएको छ जसलाई प्रतिस्थापन आवश्यक छ।”

“सबै यात्रुहरूको सुरक्षा आरसीएएफको लागि महत्त्वपूर्ण छ, सुरक्षा जाँचहरू हाम्रा सबै उडान प्रोटोकलहरूको नियमित भाग हो,” विज्ञप्तिमा भनिएको छ।

प्रधानमन्त्री ट्रुडोलाई फिर्ता ल्याउन भारत पठाइएको दोस्रो विमान बेलायततर्फ डाइभर्ट गरिएको बताइएको छ । यो विमान मंगलबार भारत पुग्नेछ र त्यसपछि ट्रुडो आफ्नो टोलीसहित त्यहाँबाट प्रस्थान गर्नेछन् ।