काठमाडौं । क्यानडाकी व्यापार मन्त्री मेरी एनजीले भारतमा आफ्नो प्रस्तावित व्यापार मिशन स्थगित गर्ने निर्णय गरेकी छिन्। उनी अक्टोबर महिनामा भारत आउने तय भएको थियो ।

क्यानडाका प्रधानमन्त्री जस्टिन ट्रुडो हालै दिल्लीमा भएको जी-२० शिखर सम्मेलनमा सहभागी भए पनि यस्तो समयमा यो मिसन स्थगित हुनुले दुई देशबीचको तनाव बढ्दै गएको देखाउँछ।

मन्त्रीका प्रवक्ता शान्ति कोसेन्टिनोले कुनै कारण नदिई यसबेला आगामी ट्रेड मिसन स्थगित गरेको बताइन् ।

जी-२० को समयमा प्रधानमन्त्री मोदीले धेरै देशका प्रमुखहरूसँग द्विपक्षीय वार्ता गरे तर उनले क्यानाडाका प्रधानमन्त्रीसँग सानो अनौपचारिक भेट मात्र गर्न सके।

क्यानडामा सिखको बाहुल्यता रहेको छ । त्यहाँ खलिस्तान समर्थित विरोध प्रदर्शनबाट भारत खुसी छैन।

दुई नेताको भेटपछि भारत सरकारले क्यानडामा भइरहेको विरोध प्रदर्शनले पृथकतावादलाई बढावा दिएको बताएको छ । उनीहरुले भारतीय कूटनीतिक परिसरमा क्षति पुर्याउने र उनीहरु विरुद्ध हिंसा भड्काउने, त्यहाँ बसोबास गर्ने भारतीय समुदाय र उनीहरुको पूजास्थलमा आक्रमण गरिरहेका छन् ।

यसअघि शुक्रबार भारतले क्यानडासँग व्यापारसम्बन्धी वार्ता रोकेको बताएको थियो । यो वर्षको सुरुमा दुवै देशको उद्देश्य प्रारम्भिक व्यापार सम्झौतामा हस्ताक्षर गर्ने थियो।