काठमाडौं । उत्तर कोरियाली शासक किम जोङ उन एक साता लामो रुस भ्रमण सकेर स्वदेश फर्किएका छन् । आफ्नो विशेष ट्रेनमा रुस गएका किम जोङले उत्तर कोरिया फर्कने क्रममा केही विशेष उपहार पनि पाएका छन् । यी उपहारमध्ये बुलेटप्रुफ ज्याकेट र ड्रोन पनि छन् । यी उपहारहरूले पश्चिमी देशहरूको चिन्ता थपिएको छ।

रुस भ्रमणका क्रममा किम जोङले रुसी राष्ट्रपति भ्लादिमिर पुटिनसँग भेटवार्ता गरेका थिए । यसपछि उत्तर कोरियाले युक्रेनमाथि आक्रमण गर्न रुसलाई हतियार उपलब्ध गराउन सक्ने सम्भावना बढेको छ ।

किम जोङ विदेश भ्रमणमा कमै मात्र भेटिन्छन् । उनलाई रुसमा भव्य स्वागत गरिएको थियो । आफ्नो भ्रमणको अधिकांश समयमा किम जोङले सैन्य स्थलहरूको भ्रमण गरेका थिए। उत्तर कोरियाले भारी प्रतिबन्ध झेलिरहेको छ त्यसैले यसलाई ऊर्जा देखि खाना र सैन्य प्रविधि सबै आवश्यक छ।

रुसी सरकारी मिडिया तासका अनुसार किम जोङलाई पूर्वी रुसी क्षेत्र प्रिमोरीका गभर्नरले बुलेटप्रुफ ज्याकेट र ड्रोनको सेट उपहार दिएका थिए। तासका अनुसार यो ज्याकेटले छाती, काँध, घाँटी र कम्मरमा सुरक्षा प्रदान गर्दछ। यो अन्य सुरक्षा ज्याकेटको तुलनामा धेरै हल्का पनि छ।

रुसी सञ्चारमाध्यमका अनुसार किमलाई सोही क्षेत्रमा बनेका पाँच कामिकाजे ड्रोनका साथै जेरेनियम-२५ एयरक्राफ्ट प्रकारको रिकोनिसेन्स ड्रोन पनि उपहार दिइएको थियो। यसका साथै थर्मल इमेजिङ क्यामेरामा नदेखिने विशेष लुगाको सेट पनि उनलाई उपहार दिइएको थियो ।

रुसी समाचार एजेन्सी आरआईएका अनुसार किम जोङलाई भव्य विदाई गरिएको थियो । उनको लागि आयोजित विदाई कार्यक्रममा रातो कार्पेट र अनर गार्ड रहेको थियो । यसपछि किम आर्टेम रेलवे स्टेसनबाट आफ्नो विशेष बख्तरबंद ट्रेनमा उत्तर कोरिया प्रस्थान गरेका थिए। रुसी अधिकारीहरूले उनलाई हात हल्लाए। उत्तर कोरियाको सीमावर्ती सहर खसान आर्टेमबाट २०० किलोमिटर टाढा छ।

किम र पुटिनले बुधवार भेटे र भोस्टोचनी कोस्मोड्रोम स्पेसपोर्टमा पाँच घण्टा लामो बैठक गरे, जसमा पुटिनले किमले ठूलो चासो देखाएको र उत्तर कोरियाले अन्तरिक्ष प्रविधिलाई प्राथमिकता दिएको बताए। वार्तापछि किमले पुटिनलाई समर्थन गर्दै सधैं रुसको साथमा रहने बताए । पुटिनले किमसँगको भेटलाई निकै ठोस भएको बताए । तर, दुई देशबीच कुनै पनि सम्झौता सार्वजनिक भएको छैन ।