काठमाडौं। स्वस्थ जीवनशैली बनाउनको लागि सबैभन्दा पहिले हामीले आफ्नो खानपानमा सुधार गर्नुपर्छ । तपाईंको आहारको एक भाग हुनु पर्ने सुपरफूडहरू मध्ये एक हो अन्जीर नेभारा । अन्जीर नेभारा पोषक तत्वहरूले भरिपूर्ण फल हो।

अन्जीरका फाइदाहरू सबैका लागि बराबर भए पनि पुरुषका लागि केही विशेष फाइदा हुने गर्दछ। अन्जीर उपभोग गर्ने सबैभन्दा प्रभावकारी तरिका भनेको यसलाई भिजाएर खानु हो। अन्जीरमा एन्टीअक्सिडेन्ट, फाइबर, फोलेट, जिङ्क, मैंगनीज, म्याग्नेशियम, आइरन, नियासिन, र रिबोफ्लेभिन जस्ता आवश्यक पोषक तत्वहरू पाइन्छ। यसबाहेक, एउटा सानो अन्जीरमा लगभग ३०–४० क्यालोरी हुन्छ।

हामीले नियमितरूपमा अन्जीरको सेवन गरेमा सधैं फिट र स्वस्थ रहन सक्छौं । यहाँ तपाईंले यो सुपरफुडको बारेमा जान्न आवश्यक सबै कुराहरू छन्।

पुरुषहरूको लागि अन्जीरको फाइदाहरू:

१.शुक्राणुको संख्या बढाउँछ:  पुरुषका लागि अन्जीरको सबैभन्दा महत्त्वपूर्ण फाइदा भनेको शुक्राणुको संख्या बढाउनु हो। यस कारणले गर्दा पनि पुरुषका लागि अन्जीर उत्कृष्ट स्रोत हो। जिंकले टेस्टोस्टेरोन संश्लेषणमा ठूलो भूमिका खेल्छ। जिंकको कमीका कारण टेस्टोस्टेरोनको स्तर घट्छ। त्यसैले हरेक बिहान नेभारा खाँदा टेस्टोस्टेरोनको मात्रा बढ्छ । यसका अलावा अन्जीरमा एन्टिअक्सिडेन्ट र मिनरल्स प्रशस्त मात्रामा पाइन्छ । यी सबै तत्वले प्रजनन स्वास्थ्यलाई बढावा दिन्छ ।

२. मधुमेह व्यवस्थापन गर्छ: यदि तपाईंलाई मधुमेह छ भने, तपाईंले आफ्नो रगतमा चिनीको मात्रालाई प्राकृतिक रूपमा नियन्त्रण गर्न आफ्नो आहारमा अन्जीर समावेश गर्नुपर्छ। नेभारा पोटासियमको ठूलो स्रोत हो र नेभाराको दैनिक उपभोगले इन्सुलिनको आवश्यकतालाई कम गर्ने विश्वास गरिन्छ। अन्जीरमा केही मात्रामा फाइबर पाइन्छ, जसले पाचन प्रक्रियालाई सुस्त बनाउन मद्दत गर्छ। यसले अचानक रक्त शर्करा स्पाइकको जोखिम पनि कम गर्दछ। यद्यपि, यहाँ यो ध्यान दिन धेरै महत्त्वपूर्ण छ कि सुक्खा अन्जीरमा चिनी धेरै हुन्छ। त्यसैले यसलाई थोरै मात्रामा मात्रै सेवन गर्नुपर्छ ।

३. राम्रो निद्रा:  घरेलु जिम्मेवारीको तनाव र कामको दबाबले निद्रामा बाधा पुर्‍याउँछ। यदि तपाईं ती पुरुषहरू मध्ये एक हुनुहुन्छ जसलाई राम्रो निद्रामा समस्या भइरहेको छ भने, तपाईंले राम्रो निद्राको लागि राती २ –३ नेभाराको सेवन सुरु गर्नुपर्छ। अन्जीरको स्वास्थ्य लाभहरू निद्राको गुणस्तर सुधार गर्न अद्भुत छन्। यसमा पोटासियम, म्याग्नेसियम, क्याल्सियम र आइरन पाइन्छ जसले तपाईंलाई सुत्न मद्दत गर्छ।

४. स्वस्थ मुटु: खराब जीवनशैली, अस्वस्थकर खानपान, धुम्रपान, अत्याधिक मद्यपान र अन्य कारणले मुटु रोग लाग्ने गर्दछ । जीवनशैली परिवर्तन र स्वस्थ खानाले तपाईंको मुटुको स्वास्थ्यमा सुधार ल्याउन सक्छ। यो विश्वास गरिन्छ कि हरेक दिन द्द(घ अन्जीर खानाले रक्तचाप कम गर्न र राम्रो कोलेस्ट्रोल स्तर बढाउन मद्दत गर्दछ।

५.पाचन सुधार गर्दछ: के तपाई पाचन सम्बन्धी समस्याबाट हैरान हुनुहुन्छ? नेभाराको दैनिक उपभोगले तपाईको शरीरलाई फाइबर प्रदान गर्दछ, जसले तपाईलाई कब्जियत र मेटाबोलिक समस्याबाट राहत दिन्छ। यसबाहेक अन्जीरमा पाइने उच्च फाइबर र कम क्यालोरीले तौल घटाउन मद्दत गर्छ।

अन्जीर कसरी खाने ?

एक कप पानीमा एक वा दुईटा अन्जीर रातभरि भिजाउनुपर्छ । बिहान उठेपछि खाली पेटमा यसको सेवन गर्नुपर्छ । अन्जीरको साथमा बिहान खाली पेटमा भिजाएको बादाम, काजु, किसमिस र ओखरको सेवन पनि गर्न सकिन्छ । अन्जीरलाई आफ्नो आहारमा समावेश गरेर आफ्नोलागि पूर्ण पोषक तत्व प्राप्त गर्न सकिन्छ ।