काठमाडौं । शाहरुख खानको फिल्म ‘जवान’ विश्वभर १ हजार करोड कमाइको नजिक पुगेको छ ।

यसैबीच, फिल्म समीक्षक तरण आदर्शले ट्विट गर्दै शाहरुख खानको फिल्म जवान सबैभन्दा छिटो ५०० करोड क्लबमा सामेल हुने हिन्दी फिल्म बनेको बताएका छन् ।

फिल्म जवानको हिन्दी संस्करणले १८ दिनमा ५ सय करोड कमाएको छ । यसमा आइतबारको कमाइ पनि समावेश छ।

गदर–२ ले २४ दिनमा, पठानले २८ दिनमा र बाहुबलीले ३४ दिनमा यति कमाइ गरेका थिए ।

तरण आदर्शले यो कमाई जवानको हिन्दी संस्करणको भएको बताए ।

सन् २०२३ मा शाहरुखको यो दोस्रो फिल्म हो, जसको हिन्दी संस्करणले ५०० करोडभन्दा बढी कमाएको छ ।