काठमाडौं । एक जना हाइकर अलास्काको उच्च पहाडमा एक्लै फसेका थिए। यस अवधिमा अत्यधिक चिसो थियो, मौसम नराम्ररी बिग्रिएको थियो। उनले बाटो बिराए । त्यहाँबाट बचेर बाहिर निस्किने बाटो देखिएन ।

तर त्यसपछि एउटा चमत्कार भयो। यी व्यक्ति अग्ला पहाडमा पदयात्रा गर्दै थिए। जब बाहिर निस्कने बाटो भेटिएको थिएन, क्यामेरा उनको जीवनमा देवदूत बन्यो। यसको एउटा भिडियो पनि भाइरल भइरहेको छ ।

यो भिडियो इन्स्टाग्राममा गुड न्युज मुभमेन्ट नामक एकाउन्टबाट शेयर गरिएको हो । घटना कटमाई राष्ट्रिय निकुञ्जको हो । यस पार्कमा लाइभ स्ट्रिमिङका लागि क्यामेरा जडान गरिएको थियो। जसका कारण व्यक्तिको ज्यान बचाउन सकियो ।

पोस्टको साथमा क्याप्सनमा लेखिएको छ, ‘पहाडमा भालुको निगरानी गर्न जडान गरिएको वेबक्यामको लागि धन्यवाद, यस हप्ता कटमाई राष्ट्रिय निकुञ्जमा हराएको व्यक्तिको उद्धार गरियो। उनी बेपत्ता हुँदा ६ देखि ८ जनाले लाइभ स्ट्रिम हेरिरहेका थिए र राष्ट्रिय निकुञ्ज सेवालाई खबर गरेका थिए।’

यी व्यक्ति अचानक खराब मौसमका कारण हराएका थिए। अमेरिकाको राष्ट्रिय निकुञ्जको बारेमा समाचार दिने नेशनल पार्क न्यूजले यस विषयमा भन्यो, ‘पदयात्रीले डम्पलिङ माउन्टेनमा क्यामेरा देखे र मद्दत माग्नु अघि आफ्नो औंला तलतिर देखाए। प्रत्यक्ष प्रसारण हेरिरहेका मानिसहरूले राष्ट्रिय निकुञ्ज सेवालाई जानकारी दिए। त्यसपछि उनलाई फर्काउन उद्धार टोली पठाइएको थियो। उनलाई चिसो लागेको थियो । तर, कुनै प्रकारको चोटपटक भने लागेको छैन ।’