काठमाडौं । एक युवतीले आफ्नी आमाको निर्ममतापूर्वक हत्या गरिन् । उनले आमाले सास फेर्न बन्द नभएसम्म लगातार छुरा र फ्राइं प्यानले आक्रमण गरिरहिन् ।

युवतीकी आमाले उनको कलेजको गोप्य कुरा थाहा पाएका कारण छोरीले आमाको हत्या गरेको बताइएको छ । त्यो रहस्य पनि यस्तो छ कि सुन्दा मानिसहरु छक्क पर्न सक्छन् ।

घटना अमेरिकाको ओहायोको हो । २३ वर्षीया सिड्नी पावेललाई आफ्नी आमाको हत्या गरेको अभियोगमा दोषी ठहर गरिएको छ । उनकी आमा ब्रेन्डा पावेल ५० वर्षकी थिइन् । उनले स्वास्थ्यकर्मीको रुपमा काम गरिन् ।

सिड्नीलाई थाहा भयो कि उनकी आमाले उनलाई कलेजबाट निकालिएको थाहा पाएकी थिइन्। समिट काउन्टी अभियोजकको कार्यालयका अनुसार, ‘मार्च २०२० मा सिडनीले ब्रेन्डाको टाउकोमा फ्राइङ प्यानले आक्रमण गरिन् । त्यसपछि उनले आमाको घाँटीमा ३० पटक छुरा हानिन् । दोषी युवती कलेजकी छात्रा थिइन् । उनलाई बुधबार दोषी ठहर गरिएको हो ।

प्रहरीले मार्च ३, २०२० मा ब्रेन्डालाई उनको घरभित्रै घाइते अवस्थामा फेला पारेको थियो। त्यसपछि उनी र उनको १९ वर्षीया छोरीलाई अस्पताल लगियो। यहाँ ब्रेन्डालाई मृत घोषित गरियो। पछि थाहा भयो कि सिडनीले आफ्नी आमालाई आक्रमण गरेकी थिइन्। त्यतिबेला उनी फोनमा कसैसँग कुरा गरिरहेकी थिइन् ।

सिडनीलाई बचाउनका लागि उनका वकिलले उनी मानसिक रोगबाट पीडित भएको बताएका छन् । यद्यपि, अभियोजनकर्ताहरूको तर्फबाट पेश गरिएकी मनोवैज्ञानिक सिल्भिया ओ’ब्राडोभिच यसमा असहमत भइन् । उनले अपराधको समयमा सिड्नी ठीक भएको बताइन् ।

सिडनीलाई सेप्टेम्बर २८ मा सजाय सुनाइनेछ। उनले १५ वर्षपछि सम्भावित प्यारोल पाउनेछिन् । प्रमाणसँग छेडछाड गरेको आरोपमा उनले थप समय जेलमा बिताउनु पर्ने हुनसक्छ ।