काठमाडौं । विश्व प्रसिद्ध श्रृंखला ह्यारी पोटरमा अल्बस डम्बलडोरको भूमिका निभाएका अभिनेता सर माइकल ग्याम्बोनको निधन भएको छ ।

उनको परिवारले यो जानकारी दिएको छ । उनी ८२ वर्षका थिए र उनलाई अस्पतालमा भर्ना गरिएको थियो।

उनी फ्यान्टास्टिक मिस्टर फक्समा पनि देखा परेका थिए। उनलाई निमोनिया भएको उनको श्रीमती र छोराले बताए ।

उनले रोयल नेशनल थिएटरमा आफ्नो क्यारियर सुरु गरे र शेक्सपियरका धेरै नाटकहरूमा भूमिका खेले। सन् १९९८ मा मनोरन्जनको क्षेत्रमा महत्वपूर्ण योगदान पुर्याएको भन्दै उनलाई सरको उपाधि प्रदान गरिएको थियो ।