काठमाडौं । भारतका चर्चित बोर्डिङ स्कुलको मेगा इभेन्टको विज्ञापन अहिले चर्चामा छ । वास्तवमा पत्रिकामा छापिएको यो विज्ञापन कुनै राम्रो कुराले होइन तर ठूलो गल्तीका कारण भाइरल भइरहेको छ ।

दिल्लीको एउटा अखबारमा प्रकाशित यो विज्ञापनमा विद्यालयका बालबालिकाका अभिभावकहरूलाई “भारतका प्रमुख बोर्डिङ स्कूलहरूको ठूलो कार्यक्रममा” आमन्त्रित गरिएको थियो।

Dear Indian parents – I found this in today’s newspaper. But this building is no boarding school! It is the seat of the German President in Berlin. Our Rashtrapati Bhavan as it were. There are good boarding schools also in Germany – but here, no child will be admitted ?. pic.twitter.com/ftbEeJk724

— Dr Philipp Ackermann (@AmbAckermann) September 30, 2023

भारत र भुटानका लागि जर्मन राजदूत डा. फिलिप एकरम्यानले तस्बिरमा भएको त्रुटिलाई हाइलाइट गर्दै आफ्नो सामाजिक सञ्जालमा सेयर गरेका छन् । उनले आफ्नो पोस्टमा विज्ञापनमा देखाइएको भवन बोर्डिङ स्कूल नभई बर्लिनमा रहेको जर्मन राष्ट्रपतिको आधिकारिक निवास रहेको बताए ।

उनले विज्ञापनको फोटो सेयर गर्दै लेखेका छन्, “प्रिय भारतीय अभिभावकहरू – मैले यो आजको पत्रिकामा फेला पारें। तर यो भवन बोर्डिङ स्कूल होइन ! यो बर्लिनमा रहेको जर्मन राष्ट्रपतिको निवास हो। यो हाम्रो राष्ट्रपति भवन हो। जर्मनीमा पनि राम्रो चीजहरू छन्। त्यहाँ बोर्डिङ स्कूलहरू छन् – तर यहाँ कुनै पनि बच्चालाई भर्ना गरिने छैन।” यो पोस्ट पछि, धेरै मानिसहरूले यसमा टिप्पणी गरे, नक्कली तस्वीर साझा गरेकोमा विज्ञापनदाताहरूको खिल्ली उडाए।