काठमाडौं । अमेरिकाको न्यू जर्सीमा बस्दै आएका भारतीय मूलका एक परिवारको शङ्कास्पद अवस्थामा मृत्यु भएको खबर छ । अमेरिकी प्रहरीले यस परिवारको घरबाट उनीहरुको शव फेला पारेको छ ।

समाचार एजेन्सी पीटीआईका अनुसार यस परिवारमा ४३ वर्षीय तेज प्रताप सिंह, ४२ वर्षीय सोनल परिहार र उनका १० र ६ वर्षका दुई सन्तान थिए।

न्यु जर्सीको प्लेन्सबोरो प्रहरी विभागका अनुसार अक्टोबर ४ मा उनीहरुलाई ९११ मा फोन आएको थियो जसमा परिवारको बारेमा चिन्ता व्यक्त गरिएको थियो ।

त्यसपछि प्रहरी टोली घटनास्थलमा पुगेपछि यस परिवारका चारै जनाको शव फेला परेको थियो ।

यस सम्बन्धमा प्रहरीले जारी गरेको विज्ञप्तिमा शवको पोष्टमार्टमको काम भइरहेको र यस विषयमा अनुसन्धान थालिएको प्रहरीले जनाएको छ ।