काठमाडौं । इजरायली सेनाले प्यालेस्टिनी चरमपन्थी समूह हमासले ठूलो संख्यामा इजरायली नागरिक र सैनिकलाई बन्धक बनाएको जनाएको छ।

इजरायली सेनाका प्रवक्ता कर्नेल जोनाथन कोनरिकसले हमासले बन्धक बनाएकामा महिला, बालबालिका, वृद्ध र अपाङ्गता भएका व्यक्ति रहेको बताएका छन् । तीमध्ये केही जीवित छन् तर केही मरेको आशंका गरिएको छ ।

सामाजिक सञ्जाल प्लेटफर्ममा यस्ता धेरै भिडियोहरू भाइरल भइरहेका छन्, जसमा इजरायली बन्धकहरू हमासको चरमपन्थीको कब्जामा रहेको बताइएको छ।

बीबीसीले एउटा भिडियो पोस्ट प्रमाणित गरेको छ जसमा एक ट्रक गाजा पट्टीमा भीडबाट गुज्रिरहेको देखाइएको छ। यसमा इजरायली बन्धक रहेको विश्वास गरिएको छ ।