काठमाडौं । लद्दाख स्वायत्त पहाडी विकास परिषद-कारगिल चुनावमा कांग्रेस र नेशनल कन्फ्रेन्सले २६ मध्ये २२ सिट जितेर क्लीन स्वीप गरेको छ। यो चुनावमा भाजपाले दुई सिट जितेको छ ।

२०१९ मा संविधानको अनुच्छेद ३७० खारेज र लद्दाख केन्द्र शासित प्रदेश बनेपछि कारगिलमा यो पहिलो चुनाव थियो।

नेशनल कन्फ्रेन्स र कांग्रेस इण्डिया गठबन्धनका हिस्सा हुन्। यस निर्वाचनमा नेशनल कन्फ्रेन्सले १२ सिट जितेको छ भने कांग्रेसले १० सिट जितेको छ । भाजपाले दुई र स्वतन्त्र उम्मेदवारले दुई सिट जितेका छन् ।

जब यी चुनावका लागि अभियान चलिरहेको थियो, नेशनल कन्फ्रेन्सको सम्पूर्ण अभियान ५ अगस्त २०१९ मा भारतीय संविधानको धारा ३७० लाई खारेज गरेर जम्मू र कश्मीर राज्यलाई दुई केन्द्र शासित प्रदेशमा विभाजन गरेको विरोधमा केन्द्रित थियो। नेसनल कन्फ्रेन्सले यो निर्वाचनमार्फत केन्द्र सरकारको निर्णयप्रति आफ्नो ‘असन्तुष्टि’ पोख्न जनतालाई अपिल गरेको थियो ।

जहाँ भाजपाले आफ्नो चुनावी अभियानमा २०१९ पछि यस क्षेत्रमा भएका विकास कार्यहरूमा ध्यान केन्द्रित गरेको थियो।

विजयपछि नेशनल कन्फ्रेन्सका उपाध्यक्ष र जम्मू कश्मीरका पूर्व मुख्यमन्त्री ओमर अब्दुल्लाले भने, “भाजपाले कारगिलमा नेशनल कन्फ्रेन्स-कांग्रेस गठबन्धनको हातबाट लज्जास्पद हार बेहोरेको छ। कांग्रेस पार्टीसँगको हाम्रो बलियो गठबन्धनले कारगिल चुनावमा विजय हासिल गरेको छ र हामी यो घोषणा गर्न पाउँदा खुसी छौं।”

“यी नतिजाहरू ती सबै शक्तिहरू र पार्टीहरूलाई सन्देश हो जसले जम्मू-कश्मीर र लद्दाख राज्यलाई जनताको सहमति बिना अलोकतान्त्रिक र असंवैधानिक रूपमा विभाजित गरे।”