काठमाडौं । इजरायली वायुसेनाले गाजा शहरको इस्लामिक विश्वविद्यालयमा आक्रमण भएको पुष्टि गरेको छ।

बीबीसीले हिजो साँझ एउटा समाचारमा इस्लामिक विश्वविद्यालयको केही भाग इजरायली हवाई हमलामा ध्वस्त भएको जनाएको थियो ।

अब इजरायली वायुसेनाले ट्विटमा बम विष्फोट भएको पुष्टि गर्दै भनेको छ, “हामीले विश्वविद्यालयमा आक्रमण गर्‍यौं किनभने यो हमासका इन्जिनियरहरूको प्रमुख प्रशिक्षण केन्द्र र उनीहरूको राजनीतिक र सैन्य शक्तिको महत्त्वपूर्ण केन्द्र हो।”

सेनाले विज्ञप्तिमा हमासले पनि विश्वविद्यालयलाई हतियार तयार गर्न प्रयोग गरेको बताएको छ ।