काठमाडौं । काठमाडौंको बौद्ध क्षेत्रमा प्रहरीले गोली चलाएको छ। प्रहरीले गोली हानेर लुटपाटमा संलग्न लुटेरालाई नियन्त्रणमा लिएको हो ।

काठमाडौं उपत्यका अपराध अनुसन्धान कार्यालयबाट खटिएको टोलीले लुटपाटका घटनामा संलग्नहरुको समूहलाई पक्राउ गर्ने क्रममा गोली चलाइएको हो ।

प्रहरीका अनुसार लुटपाटमा संलग्न समूड सक्रिय भएको सूचनाका आधारमा टोली परिचालन भएको थियो । प्रहरी टोली र लुटेराको समूहको जम्काभेट भएपछि लुटेराहरूले आक्रमण गर्न खोज्दा प्रहरीले गोली चलाएको हो ।

लुटपाटमा संलग्न ३ जनालाई नियन्त्रणमा लिइएको छ। १ जनाको खुट्टामा गोली लागेको छ। अन्य २ जनालाई भने चोटपटक छैन।