काठमाडौं। नेपालको अग्रणी इन्टरनेट र आइपिटिभी सेवा प्रदायक संस्था भायानेट कम्युनिकेसनले २४ औँ वार्षिक उत्सवको अवसरमा विशेष अफर घोषणा गरेको छ।

भायानेटले सो अवसरमा १२५ एम्बिपिएस इन्टरनेटको ३ महिना सदस्यता मात्र रु २४२४ (भ्याट बाहेक) गर्न लागेको छ। यस प्याकेजका नयाँ ग्राहकहरूले जडान शुल्कमा पनि उल्लेखनीय छुटदिन लागेको छ । साथै भायानेटको चाडपर्व अफर अन्तर्गत सबै ३ महिना वा सोभन्दा माथिका भायानेट ग्राहकहरूले अल्टिमा वायरलेस इयरबड्स र हिमस्टारका उपकरणहरूमा ५० प्रतिशतसम्म छुट दिने जनाएको छ।

स्थापना कालदेखि नै भायानेटले अत्याधुनिक ब्रोडब्यान्ड इन्टरनेट र आईपीटीभी सेवाहरू उपलब्ध गराएर  उपभोक्ताहरूको डिजिटल अनुभव सुधार गर्न निरन्तर लागेको जनाउँदै पुराना ग्राहकको इन्टरनेट निःशुल्क अपग्रेड गरेको हाे । जस अनुसार भायानेटका वार्षिक ग्राहकहरु, जसको २०० एम्बिपिएस इन्टरनेट भएकाहरुको २५० एम्बिपिएस अपग्रेड भएको छ । यस्तै ३०० एम्बिपिएस इन्टरनेट भएका ग्राहक ले निसुल्क ४०० एम्बिपिएस पाएका छन् भने अन्यको पनि इन्टरनेट निशुल्क अपग्रेड गरिदिएको छ।

भायानेटले प्रविधिमा सधै एक कदम अगाडी बढेर आफ्ना ग्राहकलाई सुबिधा दिँदै आएको छ। २०११ मा नेपालमा पहिलो पटक फाइबर अप्टिक्स(एफ टि टि एच) को सुरुवात गरेर देशलाई उच्च गतिको डिजिटल युगमा अघी बढ्न सहयोग गरेको थियो । २०१६ मा यसले आइपिटिभी सेवाहरू ल्याएर नेपालमा टिभी हेर्ने अनुभवमा नयाँ पन थपेको थियो।

२४ औं वार्षिकोत्सवको अवसरमा कम्पनीले कर्मचारी, ग्राहकहरू र सबै सरोकारवालाहरूलाई आजको अवस्थामा पुर्‍याउन सहयोगी हात बनेकोमा धन्यवाद समेत दिएको छ।। भायानेट कम्युनिकेसन भविष्यमा व्यक्तिगत र व्यावसायिक दुवै आवश्यकताहरूका लागि इन्टरनेट, टिभी र डिजिटल सेवाहरूको विकासशील मागहरू पूरा गर्ने प्रतिबद्धता जनाएको छ।