काठमाडौं । इजरायलमा रहेको अमेरिकी दूतावासले गाजा-इजिप्ट सीमामा रहेको रफाह क्रसिङ नजिक जान चाहनेहरू त्यहाँ जान सक्ने” बताएको थियो ।

अब अमेरिकी मिडिया रिपोर्टहरूले रफाह क्रसिङ सोमबार “केही घण्टाको लागि” खुला हुने बताएका छन्।

अमेरिकाका दुई सञ्चार संस्थाले एक अधिकारीको नाम नलिइकन उद्धृत गर्दै यो रिपोर्ट सार्वजनिक गरेका हुन् ।

एनबीसी न्यूजले प्यालेस्टिनी अधिकारीलाई उद्धृत गर्दै यो क्रसिङ स्थानीय समय अनुसार बिहान ९ बजे करिब दुई घण्टा खुल्ने बताएको छ ।

एबीसी न्यूजले एक सुरक्षा स्रोतलाई उद्धृत गर्दै भन्यो कि क्रसिङ सोमबार केही घण्टाको लागि खुला हुनेछ र दिउँसो बन्द हुनेछ।

आइतवार, अमेरिकी विदेश सचिव एन्टोनी ब्लिन्केनले भने, “इजिप्टले गाजाका मानिसहरूका लागि धेरै सामग्री भण्डार गरेको छ र रफाह खोलिनेछ।”

ब्लिन्केनले इजिप्टका राष्ट्रपति अल-सिसीसँग भेटपछि यस्तो बताएका हुन् ।