काठमाडौं । अमेरिकाका राष्ट्रिय सुरक्षा सल्लाहकार जेक सुलिभानले दक्षिणी गाजामा पानी आपूर्ति पुनर्बहाली भएको बताएका छन् ।

उनले इजरायली अधिकारीहरूलाई उद्धृत गर्दै सीएनएनलाई पानीका पाइपहरू सञ्चालनमा ल्याइएको जानकारी दिएका छन्।

जेक सुलिवानले सीएनएनको स्टेट अफ द युनियन कार्यक्रममा इजरायली अधिकारीहरूले उनलाई यो जानकारी दिएको बताए।

इजरायली सेनाले ६ दिनअघि गाजालाई पूर्ण रूपमा घेरेको बताएको थियो । त्यसपछि उसले यस क्षेत्रमा खाद्यान्न र पानीको आपूर्ति बन्द गरेको थियो ।

जमिन आक्रमणको घोषणा गर्दै इजरायलले उत्तरी गाजामा बसोबास गर्ने ११ लाख प्यालेस्टिनीहरूलाई दक्षिणतर्फ जान आग्रह गरेको छ। हजारौं मानिस पैदल वा सवारी साधनमा इलाका खाली गर्दै छन्। यद्यपि, हमासले प्यालेस्टाइनीहरूलाई यो आदेश बेवास्ता गर्न आग्रह गरेको छ।

कोनरिकसले एउटा हवाई तस्बिर देखाए जसमा हमासका दुईवटा गाडीले नागरिकहरूको लस्कर रोकेको दाबी गरिएको थियो।