काठमाडाैं। अहिले अन्तिम चरणमा चलिरहेको मिसेस नेपाल वर्ल्ड २०२३ मा सीता सुबेदीले भिन्न तर सशक्त रुपमा आफ्नो उपस्थिति जनाइरहेकी छिन्। सीता नेपाली बिषय र संगीत बिषयमा स्नातकोत्तरकी अब्बल बिध्यार्थी हुन्।

पेशागत रुपमा संगीतमा र स्थापित एक खुट्टा शास्त्रीय नृत्यांगना सीता सुवेदी ग्लामरमा पनि जीवनलाई हेर्ने दृष्टिकोण सकारात्मक हुनुपर्छ भन्ने मान्यताका साथ ब्युटी पेजेन्टमा उत्साही भएर सहभागी छिन्।

उनी भन्छन्, ‘यो अवसरले अपांगता भएका ब्यक्तिमा पनि समान अवसरको वातावरण भए सहज रुपमा समाजमा सहजताको अभ्यास हुनुका साथै जीवनलाई सुन्दर तरिकाले हेर्ने सभ्यताको शुरूवात बन्न गएको र समाजमा सकारात्मक धारणाको बिकास हुने देखिन्छ। नारी सभ्यताको जननी हो साथै हरेक तरिकाले जीवन सकारात्मक रहन्छ भन्ने आवाजको अभ्यास पनि हो। म नारीको आवाज बन्ने प्रयासमा रहने छु। महिला दिदिबहिनीमा क्यान्सर सचेतनाको लागि दियो बाल्ने प्रयास गर्नेछु।’